Një shqiptar i dënuar për vrasje, me 26 vite burg, ka fituar gjyqin e parë me autoritetet italiane. Bëhet fjalë për Elton Xhoxhin, i cili është dënuar për vrasjen e bashkatdhetarit të tij, Bernard Kozaria, të dy pjesë e një rrjeti prostitucioni. Ai kishte hedhur në gjyq autoritetet e burgut, për kushte çnjerëzore. Në ankesën e tij ai theksonte se rrinte në një qeli prej 9 metra katror me dy të burgosur të tjerë.
Elton Xhoxhi, i njohur si Toni, ankohej se në qeli ka shumë buburreca, mushkonja dhe insekte të tjera. Kështu gjykatësja ka dhënë vendimin që shqiptari të përfitojë një ulje dënimi prej 6 muajsh.
Elton Xhoxhi është dënuar për vrasjen e Berard Kozaria, në 12 tetor 2007. 26-vjeçari Kozaria (në atë kohë), u qëllua me dy plumba, një në fytyrë, në sy të dy punonjësve të policisë që po e shoqëronin në aeroport, pasi një natë më parë i kishte mbijetuar një atentati.