Viktima e parë prej koronavirusit në Shtetet e Bashkuara të Amerikës ka ndodhur në ditët e para të shkurtit, shumë javë më parë nga kur nisën raportimet e para.
Kështu thuhet në një raport të zyrës së mjekësisë ligjore në kontenë e Santa Clara, California, ku u bë autopsia e dy personave të cilët gjetën vdekjen në shtëpi, në 6 shkurt dhe në 17 shkurt.
Ekspertiza e mjekësisë ligjore konfirmoi se vdekja e tyre ishte shkaktuar nga koronavirusi, siç deklarohet në një komunikatë të Departamentit të Shëndetësisë në konte.
Në komunikatë thuhet se edhe Centers for Disease Control and Prevention (CDC), i konfirmoi rezultatet e mjekësisë ligjore, e cila i dërgoi kampionët në laboratorin e Atlantas për testim.
Departamenti i kontesë kaliforniane deklaroi se bëhet fjalë për vdekje në shtëpi, në një moment kur infektimet nuk ishin të përhapura.
j.l./ dita
Vdekje ne shtupo do te thote qe testimet nuk ishin perhapur