Në Kosovë janë konfirmuar 3 raste pozitive me variantin britanik të COVID-19.
Ministri i Shëndetësisë, Armend Zemaj gjatë një konference për mediat ka thënë se disa ditë më parë IKSHPK-ja ka dërguar 35 monstra në Gjermani për analizë, nga të cilat 3 dolën pozitive me variantin britanik të COVID-19.
“Nga 35 mostra që i kemi dërguar, 3 prej tyre kanë rezultuar pozitiv”, ka thënë Zemaj në konferencë.
Ndërkohë gjatë 24 orët e fundit në Kosovë kanë rezultuar pozitiv me koronavirus, 342 persona dhe janë regjistruar 5 viktima.
Në raport me ditën e djeshme numri i infektimeve dhe viktimave si pasojë e virusit është rritur. Dje janë raportuar 316 persona me COVID-19 dhe kanë humbur jetën 3.
Ndërkohë, në Shqipëri nuk ka ende informacion nëse ky variant ka mbërritur apo jo në vendin tonë.
o.j/dita