Ne veteranët e Vlorës, u ndjemë ndryshe nga sa pamë në Përmet

E nderuar gazeta ‘DITA’! Në historinë e LANÇ-it ka shume data dhe ngjarje përkujtimore, që dëshmojnë për krenarinë dhe lavdinë e saj , ku ndër më të spikaturat  është edhe data 24 Maj 1944, datë në të cilën u mblodh Kongresi  i njohur nga të gjithë si Kongresi i Përmetit. Në vendimet e këtij kongresi merr rrjedhë fati i luftës si dhe çlirimi i vendit. Per sa pame ne ekranet televizive jo vetem ne, por kushdo tjeter  eshte ndjere mire, jo vetëm për mikpritjen, por edhe për organizimin e përsosur të ndërmarrë nga kryetari i Bashkise z. Gilbert  Jace. I thamë të gjitha këto, se ndryshe nga Përmeti,  ne në Vlorë, vërejtëm një tablo pothuaj të kundërt.

Për të qenë konkretë e të drejtpërdrejtë, ne u përballëm me dy dukuri: Së pari me atë të mungesës së autobuzëve për të çuar në Përmet veteranë ish-partizanë të Brigadës së 12- Sulmuese, pasardhës të tyre, të afërm të ish- delegatëve në Kongres dhe pjesëtare te familjeve te deshmoreve. Per hir te se vertetes ishin shumë.

Së dyti në aktivitetin perkujtimor te organizuar ne Kinoteatrin Petro  Marko ne nderim e kujtim te te dy ngjarjeve, si ate të 70- vjetorit të Kongresit dhe të Brigadës së 12- Sulmuese (batalioni e dyte i së cilës përbëhej  vetëm nga  vlonjate) per çudinë e të gjithëve nuk u pa asnjë përfaqësues nga autoritet lokale  bashke me ta dhe të vetë të kryetarit të veteranëve. Të vetmit përfaqësues  që u panë ishin  zotërinjtë  Balil Banushi dhe Manxhar Bino, përkatësisht sekretar dhe nenkryetar i komitetit të veteranëve, ky i fundit mbajti dhe fjalën përshëndetëse të rastit.

Nuk i dimë të  gjitha të vërtetat  e kësaj ndodhie për të papriturat, me të cilat u përballëm, nëse palët, bashkia apo komiteti i veteranëve etj janë në rol , kanë komunikim ndërmjet tyre për të nxitur njeri-tjetrin që të ndihen përgjegjës në detyre e të vepronin  në kohe, ashtu si veproj qeveria me krijimin e komisionit shtetëror të “Kremtimit të 70- vjetorit të çlirimit të vendit “, të krijohej edhe në Vlorë një komision i tille lokal me të njëjtin rol e detyra konkrete për palët e individë të veçantë. Ajo qe dime permes sqarimit nga shoke te komitetit te veteraneve eshte vetem fakti se na u tha se na jane premtuar autobuze per ne Permet , por nuk po gjendej drejtori i transportit  te bashkise per t’u konfirmuar  vendi e koha e nisjes.

Ne keto kushte kur u perballen me mungesen e autobuzeve te gjithsecili  u krijua  nje indinjate e zemerim  per mungesen e  vleresimit  dhe organizimit. Këto shkuan dhe me tej  kur ne sallen e teatrit Petro Marko ishte organizuar takimi jubilar, u vrejt mungesa e autoriteteve. Mjaft nga pjesemarrsit te indinjuar filluan te largohen ne menyre demonstrative duke e shprehur indinjaten me fjale  nga me te ndryshmet per autoritetet  lokale.

Perballe kesaj ndodhie te pazakonte qofte bashkia ashtu dhe komiteti i veteranëve duhet të ndalen për përgjegjësitë, gje e cila duhet te terheq vemendjen dhe te Prefektes, për marrjen e masave të krijimit  të komisionit lokal të kremtimit të 70-vjetorit , ndërkohë që të mos përballemi më me të tilla ngjarje të papëlqyera.

Muço Xhuveli, Veteran

Syrja Rrapi, Pasardhës veterani