Negociatat me Partinë Socialiste po vijojnë dhe ende asgjë nuk ka përfunduar. Kështu u shpreh nga qyteti i Korçës Kryetari i Frymës së Re Demokratike Bamir Topi, ku uroi besimtarët ortodoksë për festën e Pashkëve.
“Çdo parti orientohet drejt bashkëpunimit”, tha Topi, duke shtuar se FRD-ja ka demonstruar forcën e saj. Kryetari i FRD ka folur edhe rreth dekriminalizimit të parlamentit, duke u shprehur se edhe pse tingëllon shumë rëndë, parlamenti jonë ka brenda kriminelë.
Sipas tij problemi qëndron në faktin që parlamenti është ndërtua mbi bazën e një Kodi Zgjedhor që i ka dhënë hapësira të shumta të cilat nuk i takojnë dhe kjo bën që deputetët të kenë një sjellje arrogante. “Ne jemi në linjën e pastrimit të politikës dhe kjo nis nga partitë politike, pasi atje është filtri”, theksoi Topi.