Komisioneri për zgjerimin në BE, Stefan Fule, do të vizitojë sot Kosovën për t’u takuar me liderët kosovarë e për të të biseduar për hapjen e negociatave për një Marrëveshje Stabilizim Asociimi.
Në seancën speciale të Kuvendit të Kosovës, ai pritet të mbajë një fjalim.
Fule mbërrin në Prishtinë nga Beogradi, ku ka theksuar se është e domosdoshme të zbatohet marrëveshja dhe të gjitha pikat për të cilat është rënë dakord me Prishtinën.
Ai tha se është propozim që çështja e normalizimit të marrëdhënieve ndërmjet Beogradit e Prishtinës të trajtohet në kapitullin 35, i cili do të ishte hapur nga fillimi deri në mbarim të negociatave me Serbinë.