Nëna e të dyshuarve për vrasjen e trefishtë: Se di ku janë, gjejini dhe pyetini

Dava Goro, nëna e djemve që kryen vrasjen e trefishtë në Thumanë, thotë se nuk e di ku janë djemtë e saj.

Ajo ka thënë në polici, se kur ka ndodhur krimi, ka qenë te e motra.

“Lajmin e kam marrë nga televizori.

Nuk kam ditur se çfarë kanë bërë djemte apo burri.

Unë kam qenë nga motra ime atë natë.

Nuk kam dëgjuar gjë.

Nuk besoj se i kanë bërë djemtë e mi vrasjet, as bashkëshorti.

Ne nuk kemi pasur armë në banesë, as kallashnikov, as pistoletë.

Unë nuk e di ku shkuan ata, sepse kasha ardhur herët për darkë te motra.

Nuk e di ku mund të kenë shkuar ata, s’ia kam haberin.

Gjejini dhe pyetini, se unë nuk di gjë”, ka thënë 55-vjeçarja për “GSH”.

Ajo dyshohet nga policia se ka ndihmuar djemtë dhe të shoqin në vrasjen e trefishtë.