NËNË MOJ VAJTO MER MALIN

 (Sipas Nolit)

 

Vargje të nënshkruara

Ismail Xhaferi

 

Nënë moj vajto mer malin

Larot prapë në skenë po dalin

Me “protestë” na lodhi  trutë

Aliu me 40 hajdutë.

 

Nënë moj vajto mer malin

Rrugën duan të ta ndalin

Tani shpesh të griset suma

Nga një farë Grida Duma.

 

Nënë moj vajto mer malin

Hodhën lumin dhe vranë kalin

Shiko kush po grin sallatë

Kundër drogës në Lazarat.

 

Nënë moj vajto mer malë

Për një tufë me të marrë

Shpresë e tyre e shpëtimit

Një vaksin’ kundër tërbimit.

 

Nënë moj vajto mer male

Dolën ca e të qajnë halle

Ata që të molën lopën

Dhe përditë po ta bëjn’ gropën.

 

Nënë moj vajto merr malin

Se protestat nuk do ndalin

Kundër drogës janë çuar

Ca që janë vet’ të droguar.

 

Nënë moj vajto merr’ dhenë

Ata që në burg do qenë

Nuk u hyn në sy një qime

Për moralin mbajnë fjalime.

 

Nënë moj vajto merr’ dhenë

Pavarësisht se s’u ke ngenë

Se tani e di gjithë bota

Kush t’i fut gurët nën rrota.

 

Nënë moj vajto merr malë

Edhe ec me hap të çalë

Se kemi halle të rënda

Djepi plot e djalli brënda.

 

Nënë moj vajto merr’ dhenë

Ujqër ishin, ujqër mbenë

Ti shikon e ndjen përditë

Kush ta mban lakun në fyt.

 

2000 vetë që nuk kan’ kthim

Ca persona në kërkim

Ca të Zogut, ca nga shkaba

Dhe në krye Ali baba…