Do të nënshkruhet sot në Athinë marrëveshja ndërmjet Shqipërisë, Greqisë dhe Italisë për projektin për gazsjellësin Trans Adriatik (TAP). Marrëveshja mundëson bashkëpunimin ndërmjet tre vendeve për zbatimin e projektit të TAP, si një projekt me rëndësi strategjike për kontributin ekonomik e zhvillimor për të tre vendet, rajonin dhe më gjerë.
Gazsjellësi Trans Adriatik do të sjellë gazin natyror nga fusha e Shah Deniz 2 në detin Kaspik.
Pala shqiptare do të përfaqësohet nga zv.kryeministri dhe ministri i Ekonomisë, Tregtisë dhe Energjetikës, Edmond Haxhinasto.