Ambasadori i Shteteve të Bashkuara të Amerikës në vendin tonë, Aleksandër Arvizu, ka shijuar një mbrëmje të veçantë nën tingujt e muzikës së Aurela Gaçes dhe vëllezërve korçarë.
Ka qenë Aurela ajo që ka publikuar disa fotografi të ambasadorit amerikan duke kërcyer nën tingujt e muzikës. Arvizu ka qenë i shoqëruar edhe nga këngëtarja Rosela Gjylbegu ndaj të cilës nuk e ka fshehur se ka një simpati të veçantë për mënyrën se si këndon.
Javën e shkuar, ambasadori ishte protagonist me një batutë të tijën kur tha se do ikte me peng nga Shqipëria se nuk kishte arritur të kishte një takim me Olta Gixharin.