Nga Audi i verdhë në një BMW të zezë?

Tre keqberësit, të cilët për 10 ditë ngjallën panik në Itali, po përdorin një BMW M3 për të vazhduar me grabitjet.

Kjo është pista e re që po ndjek policia italiane për bandën, që të hënën i vuri flakën makinës së vjedhur “Audi” për të humbur gjurmët.

Për Policinë Italiane ndryshimi i makinës nuk është një lëvizje e panjohur. Ata në fillim kanë gjetur BMW – në e zezë dhe më pas i kanë vënë flakën Audit të verdhë.

Duke kontrolluar denoncimet për “vjedhje makine” të kryera disa ditë përpara se të digjej makina e mëparshme, u zbulua ai për një BMW të Zezë M3, që ishte “zhdukur” nga oborri i një kompanie transporti në San Pietro Al Natizone, në provincën e Udines.

Ndërkohë karabinierët janë në pritje të rezultateve të analizave që janë bërë në pjesët e mbetura të “Audit” pas zjarrvënies.

Mes tyre, siç raporton media italiane, veç levës që u gjet disa ditë më parë, është bishti i një cigareje që mund të shërbejë për të zbuluar ADN -në e njërit prej banditëve.