Nga tavolina u hoq kulaçi dhe u vu kërbaçi

Letra e zotërisë Han,
hapi probleme këtu,
se u hoq çdo vijë e kuqe,
dhe u vunë vija blu!

Kjo qe fitorja madhore,
që arriti Lulëzimi,
u pranua nga të gjithë,
dhe ky u quajt shpëtimi!

Shpalli fitoren e madhe,
vogëlushi Lulëzim,
por nga ambasada USA,
s’pati asnjë reagim!

Letra e zotrisë Han,
të gjithëve na bëri sus,
ndërkombëtarët do kishin,
vetëm rol rekomandus!

Gjithë propozimet e Hanit,
u quajtën si miratim,
po në Draftin Kushtetues,
nuk u bë asnjë ndryshim!

Këtë gjë Lulashi i shkretë,
e kuptoi shumë vonë në darkë,
por s’kuptoi se Donald Lu,
po bënte gati një çark!

Atë natë u këmbngul shumë,
që komisioni të mblidhej,
se s’kish draft përfundimtar,
që për votim mund të hidhej!

Atë natë Ambasada,
që një tjetër gjë mendonte,
vuri gishtin tek Lulashi,
se gjithçka po shkatërronte!

Pse lëshoi kaq shumë Donaldi,
të shqetsuar folëm ne,
po ai kish bërë gati,
një formulë fare të re!

Një natë para Ambasada,
fitoren e kishte vjelë,
kish arritur që Lulashin,
ta bënte kryetabelë!

“Lidershipi” i së Mërkurës,
duket krejt e humbi vulën,
kur të ndërkombëtarët,
kundra tija keq u sulën!

Meta e hapi seancën,
dhe e mbylli përsëri,
po dhe ai nuk e dinte,
Lu-në me variant të ri!

Zoti Lu me Vllahutinën,
në zyrën e Metës prisnin,
ku me Luli “lidershipin”,
negociatat do të nisnin!

Luja i tha Lulëzimit,
na ke lodhur ca si shumë,
ndaj objekti i votimit,
është formula që kam unë!

Dhe ashtu i revoltuar,
ja vërviti në tryezë:
“Ose pranoje pa kushte,
o të fut në listë të zezë!”

Luli s’u besonte syve,
i vinte si për të qarë,
se të huajt në Veting,
kishin rolin vendimtar!

Luli shikonte kërbaçin,
me sy krejt të zgurdulluar,
se i gjithë aksioni i tij,
njëqind përqind qe Zeruar!

Mua s’më shkoi dëm mundimi,
kur i shkrova zotit Lu:
“T’i fshinë vijat e kuqe,
dhe shënuan vija blu!”

S’besoj se erdhi nga mua,
që nderi u vu në vënd,
po Luli u çlulëzua,
s’doli më të shiste mënd.

Njëzet e Njëshi ja vleu,
dhe pse aq tension prodhoi,
por ja vlen-se gjithë Vetingun,
Bota do ta kontrollojë.

Dhe të jem fare i qartë,
për gjithë miqtë shqiptarë,
të huajt-në drejtësi,
do kenë rolin vendimtar!

Ky qe thelbi i Reformës,
që të shumtit kanë kërkuar,
ndaj do mbetet ky votim,
një ngjarje krejt e shënuar.