390 ish-pronarë kanë marrë shtëpitë e tyre të zëna prej vitesh nga qiramarrësit, me urdhër ekzekutimi nga Gjykata. Drejtori i Entit Kombëtar të Banesave, Ylli Pirro në një interviste për “Albanian Screen”, tregon se ish-proanrët kanë depozituar pranë entit 568 kërkesa. Qirramarrësit kanë paraqitur 1670 kërkesa për të marrë kredi me interes zero.
“Që nga fillimi i procesit deri në ditën e sotme në Entin Kombëtar të Banesave janë dërguar 568 kërkesa pronarësh të ligjshëm. Nga këto 568 kërkesa, Enti Kombëtar i Banesave ka çuar për urdhër ekzekutimi në gjykatë 390 prej tyre dhe nga këto ne kemi marr urdhrat e ekzekutimit 258. Nuk ka konflikt social, sepse dhe qiramarrësit i janë drejtuar BKT-së për të tërhequr kredinë me zero përqin”, thotë Ylli Pirro, Drejtor i Entit Kombëtar të Banesave.
Një numër i konsiderueshëm të familjeve që kanë jetuar në shtepitë e proanrëve, tashmë janë sistetmuar në shtëpi të blerë me kredi pa interes, për 30 vite.
“Numri i qiramarrësve të cilët kanë trokitur në sportelet e Entit Kombëtar të Banesave dhe që kanë përgatitur dokumentacionin është 1670 kërkesa. Deri tani kanë përfituar kredi rreth 320 qytetarë. Po të vendosësh në shifra të krahasueshme numrin e kredive të marra me 30 vite, për zero përqind interes, me numrin e urdhrave ekzekutiv të lëshuar nga gjykata, vazhdon të jetë më i madh numri i kredive të tërhequra”, bëri të ditur Pirro.
Sipas aktit normativ, janë 3289 familje, të cilat duhet të lënë shtëpitë e ish-pronarëve dhe të marrin kredi pranë BKT-së. Ata lënë banesat që kanë jetuar prej afro 67 vjet./AS