Presidenti i Republikës, Bujar Nishani, me rastin e 95-vjetorit të themelimit të Bibliotekës Kombëtare do të vizitojë ekspozitën përmbyllëse të kremtimeve “Biblioteka e Bibliotekave”, që është konceptuar si një nderim për ato biblioteka private ose kolektive, përmes të cilave është ngjizur pjesa më e vlefshme e fondit të albanologjisë, duke i lejuar në disa raste këtij institucioni të flasë sot për eksluzivitete dhe raritete.
“Në kontekstin e kësaj trashëgimie të çmuar dhe në respekt të Institucionit që përkujdeset për të, Presidenti i Republikës z. Bujar Nishani do t’i besojë BKSH-së përkujdesjen edhe të kopjes anastatike të “Mesharit” të Gjon Buzukut, dhuratë e Papa Françeskut I-rë gjatë vizitës së tij historike në Shqipëri”, vjen njoftimi nga Biblioteka Kombëtare .
Pak ditë më parë, në ceremoninë në nder të 95-vjetorit të krijimit të Bibliotekës Kombëtare, Rama i dhuroi edhe një libër me pikturat e tij drejtueses së institucionit.
“Dhurata ime është shumë modeste, albumi im i shkarravinave të mia. Unë po ja dhuroj drejtoreshës pa pretenduar që të futet në arkivin e Bibliotekës. Unë do ta lë në tavolinën e saj dhe ajo të vendosë nëse do ta marrë në shpi ose do ta lërë aty”, do thoshte Rama. /Dita/
Ha ha… kopilat!
Dhurata ne publik se keshtu ne privat… kush e di… keta mund te flene ne nje krevat.
Pusht njeri e sterpusht tjetri.