Nishani: Terrorizmi një rrezik evident, nuk njeh kufij

Presidenti i Republikës, Bujar Nishani ishte i pranishëm në Konferencën për Paqen dhe Integrimin.

Gjatë fjalës së tij në konferencë, kreu i shtetit u përqendrua në rrezikun e terrorizimit, duke theksuar se terrorizmi nuk njeh kufij.

Sipas presidentit Nishani, ne shqiptarët jemi në avangardë kundër ISIS-it dhe terrorizmit.

Duke sjellë në vëmendje vizitën e papa Franceskut në Shqipëri, presidenti Nishani tha se mesazhet e Atit të Shenjtë janë motiv i Shqipërisë për paqen.

“Jemi mirënjohës për mesazhet e papës për paqen. Komunizmi tentoi të na shkatërronte besimin. Sot Shqipëria dhe shqiptarët kontribuojnë për paqen, jemi krenarë për kontributin në Afganistan dhe Irak”, deklaroi Nishani.