Mandati 4 vjeçar i kryebashkiakut të Tiranës Lulzim Basha nisi dhe bitisi totalisht i dështuar pasi nga 85 premtime u realizuan vetëm 16 të tilla. Nisi i turpshëm sepse nuk ishte legjitim dhe përfundoi i pasuksesshëm sepse nuk ishte personi i duhur për këtë funsion të rëndësishëm e me peshë. U zhurmua bujshëm e me super premtime imagjinare duke filluar nga nga trami, zgjatimi i bulevardit deri në Paskuqan dhe disiplinimi i lumit të Tiranës, premtime këto që që rezultuan pallavra demagogjike.
Dhe absurditeti, paaftësia dhe mediokriteti në menaxhimin e bashkisë kanë qënë të tilla sa edhe tani në përfundim të këtij mandati të dështuar totalisht nuk shohim dhe prekim me dorë sa e sa rrugë, bulevarde e trotuare të paasfaltuara, gropa të hapura e puseta të zhbllokuara, rrugë e kryqëzime të pavijëzuara madje as Bulevardi “Dëshmorët e Kombit”, sheshi qëndror, bulevardi “Zog I” të dyja unazat janë krejtësisht pa vijëzime të bardha, aq sa ke mall të shohësh një rrugë që të përcjellë kulturë, rregullsi, qytetërim. Është skandaloze dhe e pafalshme që në qëndër të Tiranës trotuari mbrapa Muzeut Kombëtar e që vazhdon djathtas tek Rruga e Durrësit e deri te Rruga e Kavajës është gjithë gropa dhe pllaka të thyera, që janë turpi dhe faqja e zezë e Bashkisë. Prandaj lipset të bëjmë zgjedhjen e duhur për kryebashkiak, aq më tepër për Tiranën.
Letër e nënshkruar,
Pali Nito