Me anë të një VKM-je të posatëshme, me logon e pagabueshme “VKM e posatëshme”, Këshilli i Ministrave përmbysi dje të gjitha akuzat e dashakëqinjve se qeveria nuk po zhvillon konkurse për pranimet e reja në administratën publike.
VKM-ja e firmosur nga kryeministri Edi Rama urdhëronte që të gjitha dikasteret të hynin në një konkurs që do vendosë se cilat ministri, drejtori e institucione të tjera qeveritare do të ketë të drejtë për të punësuar punonjës pa konkurs.
“Faza e parë, imediate e vendosjes së personave kyç në vendet kyçe ka përfunduar”, sqaronte dokumenti, “këtej e tutje, të gjitha dikasteret që kërkojnë të punësojnë njerëz pa konkurs, duhet të hyjnë në një konkurs për të treguar se janë në lartësinë e duhur për të përzgjedhur punonjës pa konkurs”.
Kriteret që duhen plotësuar janë shumë të rrepta, dhe mësohet se deri tani konkursin dhe rrjedhimisht, të drejtën për të mos bërë konkurse e kanë fituar vetëm 19 ministri dhe 23 institucione të tjera qeveritare.
Bravo i kjofte autorit te keti shkrimi qe ka zgjedhur me shume filozofi te holle:
“Nisin konkurset për të punësuar njerëz pa konkurs”
Une jam nje mesues qe e zura vendin fale PS-se. Po degjojeni deri ne fund se nuk eshte ashtu si mendoni ju, ai konkursin e ka bere por kishte teseren e partise qe i vlente trecerekun e pikeve. Pjese nga estrada rilindese ne rrethe me regji te shkarravitesit Rama.