Një ditë në fushatë me Edi Ramën (VIDEO)

Me stafin e kryeministrisë, kemi rënë dakord, të vëzhgojmë me kameran e Ora News, takimin elektoral të kryeministrit në Berat, i fiksuar për në orën 20.00.

Udhëtojmë drejt qytetit…

Rruga e re është pothuajse e përfunduar. Kryeministri e ka thirrur jo pak herë në ndihmë në fjalimet e tij, realizimin e këtij aksi.

Në zonën e Urës Vajgurore, takojmë bashkëudhëtarët e përhershëm të turit elektoral të socialistëve, të rinjtë e forumit rinor eurosocialist. Nuk e refuzojmë ftesën për të bërë pjesën e mbetur të rrugës me autobuzin e veshur me numrin 23 dhe mbishkrimin “Drejtimi i duhur”.

Sapo kanë përfunduar një tjetër takim fushate, është koha për të mbledhur energji për takimin e radhës, pse jo edhe për një rifreskim të makjazhit.

Tefiku, ka qenë me socialsitët edhe në fushatën e 2013-ës, i pëlqente më shumë emocioni opozitar

Tefiku: “Në 2013-n ishte një emocion i madh, nga 8 vite në opozitë, nuk e përshkruaj dot edhe sot kur e kujtoj”.

Ndërsa Ledjonin, kur e pyet nëse iu bashkua PS për të gjetur një vend pune, ta pret shkurt:

Ledjoni: “S’ka lidhje fare”.

Fryma e ekipit, duket se është lajmotiv i forumit.

Vajza: “Ne jemi si orkestër, secili luan melodinë e tij, pa tingujt e njëri-tjetrit nuk mund te jemi te suksesshem”.

Rruga nuk ndjehet dhe shpejt i afrohemi Beratit. Në hyrje vijon puna për rikualifikimin e qytetit

Veshja me flamuj krah me krah të PS e LSI, te qendrës së qytetit, ka sinjalizuar qytetarët për takimin elektoral. Por këta banorë, duket se janë imunë ndaj fushatës, teksa të qetë, shijojnë kafenë nën pasditen e freskët të Beratit.

Na ndajnë edhe 30 minuta nga orari i nisjes së takimit. Ekipi që shoqëron kryeministrin na rrëfen se është i kënaqur me pjesëmmarrjen ndërsa shpresojnë se të tjerë do t’i bashkohen sheshut deri në orën 20.00 kur është parashikuar nisja e takimit.

Ndërsa truprojat zënë pozicionet e tyre, nuk janë të paktë në numër.
Një prej tyre, kontrollon karrigen ku do të ulet për të pritur ngjitjen në podium, kreu i mazhorancës.

Kryeministri nuk udhëton me autobuzin e Rilindjes, por shoqërohet nga eskorta e tij. Si në çdo takim, mes turmës së njerzve, çahet korridori ku do të kalojë kryeqeveritari. Por Edi Ramës, i pëlqen të mos ecë sipas rregullave. Na le më kot ne dhe truprotjat ta presim nga ky kënd i sheshit, zgjedh të vijë nga ana e kundërt e tij.

Kthen sytë nga turma. Nurmi i të pranishmëve duket se e kenaq.

Kemi kërkuar prej ditësh, këtë takim me kryeminstirn. Por përveç axhendës elektorale kohën e kryeministrit e zënë edhe çështjet qeveritare. Megjithatë arritëm t’i shkëpusim pak minuta e disa mendime para fjalimit të tij.

Klementina Cenkollari: Zoti Rama, takimi i 4 për sot. Ndiheni i lodhur

Edi Rama: Jo aspak.

KC: “Ju mungon aleati Meta, në një zonë si Berati, ku dihet se ka një mbështetje të forte”.

ER:Kemi ndarë detyrat. Këtu ishte detyra ime”.

ER: “Nuk kam mbajtur ndonjëherë antiplumb.

KC: “Pra i shuajmë zërat që flasin për të kundërtën”.

ER: “Çdo popull ka budallenjtë e tij”.

Është akuzuar shumë nga kundërshtarët, për shpenzimet e fushatës dhe përdorimin e adminsitratës. Nxiton t’i hedhë poshtë akuzat.

ER: “Nuk merrem me këto idiotësira. Kjo është fushatë shumë e kursyer dhe mjaft e qetë. Fushata e parë që shkollat nuk mbyllen.

KC: “Është më e lehtë për ju të bëni fushatë kur jeni në opozitë apo kur jeni kryeministër?”

ER: “Nuk shoh ndonjë dallim. Këto janë zgjedhje me më pak stress sepse shteti nuk ka rol dhe nuk ka asnjë lloj presioni të natyrave të ndryshme. Është fushata më e bukur për mua sepse ka shumë grad he vajza nëpër takime”.

KC: “Z.Rama pse i quani të paaftë kandidatët e PD?”

ER: “PD sot nuk është për t’u pasur zili. Forcë politke që tregon përrallë nga e kaluara të cilën shqiptarët e mbyllën më 23 qershor të 2013-s. PD nuk ka model referimi për të ofruar. Ne kemi plot modele suksesi. Në përpjekje për të treguar një model ata tregojnë Xhelal Mziun, i cili nuk dihet ku do jetë pas 21 qershorit, në zyrë apo burg, sepse është shpallur i fajshëm nga Gjykata në shkallën e parë për grabitjen e fondeve të komunitetit”.

KC: “Sa bashki prisni të fitoni?”

ER: “Nuk kemi pritshmëri të natyres matematikore. Kudo kemi arsye për të fituar”.

KC: “Pse i përsërisni fjalimet?”

ER: “Përsëritja është nëna e dijes në një fushatë elektorale. Kjo është bindja ime”.

KC: “Do jeni po kaq energjik deri në fund të fushatës?”

ER: “Ketu do jeni dhe do më shikoni. Di si jam, si do jem nesër, do e shikoni ju”.

I rikthehet deputeteve dhe ministrave dhe bisedon. Për fjalim do të ngjitet Eduard Shalsi. I jep porositë e fundit, por duket se as këto direktiva nuk e ndihmuan deputetin socialst, që ngatërroi ditëlindjen e partisë, dhe emrin e kandidatit.

Shalsi: “Pasnesër është 24 vjetori i PS……nesër”.

Kryeminstri e korrigjon, dhe këmben batuta me ministrat e deputetët për gabimet e tij
Është i vetëdijshëm për praninë e kamerës sonë ndaj dhe kritikat Shalsit ia përcjell me buzëqeshje.

Edi Ramës, i njihet sqima në veshje. Në fushatë, garderoba ka bluza jo të zakonta, të cilat zgjojnë edhe kureshtjen e deputetit Fidel Ylli.

Vetë Edi Rama nuk e fsheh pasionin t’u veshur mirë. Rrogabqepësinë e sheh si “zanatin” e jetës së tretë. Nuk i reziston dot tundimit për t’ia drejtuar shaminë deputetit Fidel Ylli.
Xhaketën e tij, e ka stolisur me një karafil të kuq.

Nëse me fjalimet e deputetëve ia lejoi vetes pak mungesë vemendje, vizionin e kandidatit Petrit Sina do ta dëgjojë të plotë.

Shpesh e kritikojnë se fokusohet vetëm tek fasada por kur vjen pun ate imazhi, Edi Rama nuk i beson lehtë të tjerëve. Pavarësisht ekspertëve në regjinë e transmetitmit, kërkon të verifikojë personalisht si shfaqet në ekranet shqiptare kjo fushatë.

Fjalimi i kandidatit duket se zgjati me shumë sa ishte parashikuar.