Raportuesja për Kosovën Viola von Cramon, ka bërë të ditur se Parlamenti Evropian sot do të miratojë raportin e saj për Kosovën, pasi një gjë të tillë e kishte bërë më herët Komisioni i Parlamentit Evropian për Punë të Jashtme.
Viola von Cramon në një postim në Twitter, po ashtu ka bërë të ditur se debati mbi raportin e saj do të fillojë rreth orës 11:00.
Me 50 vota për, dhjetë kundër dhe nëntë abstenime, Komisioni për politikë të jashtme i PE-së ka miratuar në muajin shkurt raportin për Kosovën, në të cilin u bëhet thirrje edhe një herë pesë shteteve të BE-së, të cilat nuk e kanë njohur Kosovën, që ta bëjnë një gjë të tillë.
Spanja, Sllovakia, Rumania, Qiproja dhe Greqia janë pesë vende anëtare të BE-së nuk e kanë njohur pavarësinë e Kosovës.
Në një komunikatë të lëshuar nga PE-ja pas këtij votimi, thuhet se “deputetët nënvizojnë se pavarësia e Kosovës është e pakthyeshme dhe njohja nga të gjitha shtetet e BE-së do të ishte në dobi të normalizimit të raporteve mes Kosovës dhe Serbisë”.
Deputetët evropianë po ashtu kanë përsëritur edhe thirrjen për heqjen e vizave për qytetarët e Kosovës, pasi Komisioni Evropian qëmoti ka konstatuar se Kosova i ka përmbushur të gjitha kriteret e kërkuara.
Në raport, Kosova kritikohet për mungesë të progresit të duhur në shumë fusha, sidomos në zbatimin e prioriteteve të agjendës së reformave evropiane.
Deputetët shprehën keqardhje për vazhdimin e jo stabilitetit politik dhe u kanë bërë thirrje të gjitha forcave politike në Kosovë që të angazhohen për reformën e sistemit politik, në mënyrë që të përmirësohet qartësia ligjore dhe procesi i formimit të qeverisë.
Po ashtu, kërkohet që Kosova të sigurojë reformën e sistemit gjyqësor në mënyrë që ai të jetë më transparent, efikas dhe pa ndërhyrje politike. Në të njëjtën mënyrë, kërkohet edhe reforma e administratës publike.
Anëtarët e PE-së kanë përsëritur thirrjet që raportet e Kosovës me Serbinë të mbetet prioritet dhe kusht për avancimin e të dyja vendeve në procesin e integrimeve evropiane. Ata kanë kërkuar nga qeveritë e të dyja shteteve që të përmbahen nga çfarëdo veprime që mund të pengojnë krijimin e besimit mes palëve, që do ta vinin në rrezik vazhdimin konstruktiv të dialogut.
c.r / dita
“Një hap më pranë njohjes nga 5 shtetet e Unionit “- me duket nje titull i egzagjeruar!
Raporte te tiila qe rrahin ujin ne hava me te njejtin rezultat skandaloz, ka 20 vjet qe i ben Europa. Eficenca dhe serioziteti politik i Europes per te zgjidhur problemet brenda oborrit te vet, nuk varet nga kotesia e raporteve, por nga aftesia per te pasur strategji, rezultate dhe fitore politike.
Si mundet qe BEja qe kerkon te zgjithe konfliktin permes bisedimeve Kosove- Serbi, ku falimentimi eshte uleritese dhe diskretitues per aftesite dhe seriozitetin e Europes, qe nuk arrin te binde dot as veten dhe anetaret e saj, nderkohe qe Kosoven europjane e njohin qindra shtete jashte kontinentit?!
Ka Europa nje strategji te qarte politike, qe siguron njohjen e Kosves nga 5 anetaret e saj, pervec shantazhit dhe kotesise te bisedimeve Kosove-Serbi?!
Panairi i kotesise europiane.Zoti e ndihmohte europen te behet europa qe duam por sic tregojne bathet jane larg pashket.
Uluni ne bisedime me greqine me gjysem qipron,me arixhinjte e tjere dhe mos u tallni me kosoven.Nuk u merr njeri seriozisht
Kur evropa te beje detyrat e saj sa i perket atyre 5 vendeve, kosova do t’i rikthehet dialogut me Serbine!
Evropa eshte drejt shperberjes…i vetmi aleat SHBA