Një muaj arrest shtëpie për Milaim Zekën, por shihet në kuvend

Një ditë pasi Gjykata Themelore në Prishtinë i caktoi masën e sigurisë ‘’arrest shtëpie’’deputetit të Kosovës Milaim Zeka, ai është parë duke marrë pjesë në një mbledhje në Kuvend.

Deputeti i NISMA, Zeka u ndalua pak ditë më parë nën akuzën për mashtrim dhe shmangie të tatimeve.

Avokati i tij, Gazmend Halilaj, konfirmoi se Milaim Zeka ka leje nga gjykata për të marrë pjesë në mbledhjet në Kuvend.

Në mbledhjen e Komisionit për Administratë Publike, Qeverisje Lokale dhe Media po shqyrtohet raporti vjetor i Radio Televizionit të Kosovës, raporti vjetor i Këshillit të Pavarur Mbikëqyrës për Shërbimin si dhe raporti vjetor i Komisionit të Pavarur për Media.