Një ilaç i ri mund të ndryshojë jetën e njerëzve që kanë pësuar trauma nga sulmet fizike apo aksidentet rrugore. Nga viti 2007, Laboratori i stresit traumatik në Tuluzë, Francë, po punon me një molekulë të quajtur popranolol, e cila mund të zvogëlojë kujtimet e këqija që kanë lënë këto eksperienca. Kjo lloj molekule është përdorur me efektivitet kundër dhimbjeve të kokës dhe hipertensionit, por tashmë rreth 40 pacientë në Tuluzë, Montreal (Kanada) dhe Boston (SHBA) po përfitojnë nga shpikja e re, duke lënë pas përvojat e hidhura të së shkuarës.