Mjekët në Kinë u shokuan kur zbuluan se një 24-vjeçare kishte gjithë jetën e saj që jetonte pa pjesën vitale të trurit, përgjegjëse për mbi 50 përind të neuroneve të një njeriu.
Edhe më e pabesueshme ishtë fakti se vajza, emri i të cilës nuk bëhet i ditur, nuk ishte në dijeni të këtij fakti dhe kishte patur një jetë normale, duke sjellë kështu një provë të gjallë se sa i panjohur është truri i njeriut dhe mbi aftësinë që ai ka për t’u adaptuar edhe në situatat më ekstreme.
Historia e saj nisi kur e ëma e çoi atë në një spital në provincën e Shandong, pasi kishte marrje mendsh dhe të vjella.
Mjekët i bënë asaj një skaner.
Ajo që ata padyshim nuk prisnin ishte që në vendin ku duhet të gjendjej celebrum, truri i madh, s’kishte asgjë. Kjo pjesë e trurit, që kontrollon ekuilibrin, lëvizjen dhe aftësitë për të mësuar dhe një pjesë të të folurit, përbën rreth 10 përqind të masës totale të trurit të njeriut.
Sipas “New Scientist”, nëna e vajzës tha se nuk kishte qenë në dijeni se e bija vuante nga një gjendje e tillë, që në fakt duhet të kishte qenë fatale për të. Ajo u shpreh se vajza kishte patur problem për të ecur deri në moshën 7 – vjeçare dhe kishte nisur të fliste kur ishte 6 – vjeç. Por përveç kësaj, ajo kishte qenë një fëmijë si gjithë të tjerët.
Rastet e ngjashme të njohura nga shkencëtarët deri më tani, kanë çuar në vdekjen e pacientit ose në dëmtim të përhershëm të trurit.
Ekspertët dyshojnë se çfarëdolloj gjëje që ka shkaktuar zhdukjen e celebrum –it ka ndodhur në moshë të vogël, por duke i dhënë mundësinë pjesës tjetër të trurit që të adaptohet me gjendjen.
Me pak fjalë, pjesa tjetër e trurit mori nën kontroll pjesën që mungonte, duke mbushur boshllëkun.
Studimi i rastit në fjalë u publikua në revistën shkencore “Brain”.
n.s. / dita