Për Berishën dhe partinë e tij (biznesin e tij – më saktë) e vetmja veprimtari politike në Shqipërinë e zhytur në errësirë të dimrit, si edhe shumë herë të tjera, ka të bëjë me zgjedhjet. Përsëri si edhe shumë herë të tjera, i kërkon popullit t’ia sanksionojë e legjitimojë, nëpërmjet votës, pushtetin një skote oligarkësh të krimit dhe rrugaçësh ndërkombëtarë.
Sa më të plota e të turpshme t’i kenë këta zhurmëtarë dështimet, sa më të rënda e të papranueshme shkeljet e ligjit, aq më të mëdha u dalin ngërdheshjet dhe fotografitë në faqet e gazetave. Pikërisht tani që u bë publike bashkëfajësia e kryeministrit të sotëm dhe e shokëve të tij të armëve për thyerjen e embargos ndaj ish-Jugosllavisë dhe furnizimin me naftë të makinës serbe të genocidit dhe të pastrimit etnik në Bosnje dhe në Kosovë; e pikërisht kur Shqipëria rezultoi të ishte vendi më i korruptuar në një anketë të përbotshme, pushtetarët e atjeshëm nuk reshtin së gërryeri me dhëmbë kafkat njëri-tjetrit, të mbërthyer për jetë a vdekje në betejën titanike të… zgjedhjeve zgjedhjeve zgjedhjeve, si riprodhim të “demokracisë” shqiptare.
Në të vërtetë, 22 vjet mjaftojnë për të bindur edhe më entuziastët se regjimi i tanishëm në Tiranë nuk ka të bëjë fare me demokracinë, por është një oligarki që mbahet në këmbë me paratë e krimit nga njëra anë, e me vullnetin oportunist të Evropës dhe të organizmave ndërkombëtare nga ana tjetër, të cilat nuk do t’i pranonin dot kostot politike dhe financiare të një destabilizimi dhe rrinë mbajnë Berishën duke menduar: Kur do mërziten vallë me këtë idiot këta shqiptarët?
Email nga adresa: [email protected]