Një SMS çoi çiftin drejt tragjedisë, si e masakroi shqiptari bashkëshorten

Rushit K. 37, masakroi gruan e tij Donika në banesën e tyre në Siegburger.

Ai e goditi me sëpatë në kokë dhe në qafë, duke i shkaktuar vdekjen e menjëhershme.

27-vjeçarja kishte 6 muaj që ishte martuar me bashkëshortin nga Kosova që jetonte në Gjermani.

Si ndodhi ngjarja mëngjesin e 1 tetorit?

Tashmë, burri ka dalë në proces gjyqësor në Gjykatën e Bonit. Sipas prokurorit, Rushit K. kishte rrahur bashkëshorten e tij më herët. Dhe pati frikë se kjo do të zbulohej.

Por ai nuk përballet me burg.

Ai do të jetë përgjithmonë në një klinikë psikiatrike, ndërsa vuan nga skizofrenia.

Tani ndodhet atje, shkruan Bild.

“Ai është kërcënim i madh për publikun e gjerë”, tha prokurori.

Shqiptari nga Kosova punonte si asistent kuzhine në Bon, ndërsa gruan e tij të bukur e kishte njohur në Kosovë, shkruan Bild. Por, shpejt nisi konflikti midis tyre.

Rreth dy vjet para krimit, klienti i tij e takoi gruan në Kosovë. Ajo kishte qenë e ndarë nga i fejuari.

Një vit më vonë Rushit K. i bëri asaj një propozim për martesë. Në prill të vitit 2017 caktoi dasmën, në gusht Donika u zhvendos nga Kosova për në Siegburg.

Thuhet se njerëzit i folën atij se Donika e donte ende ish-të fejuarin. Shpesh pati grindje midis tyre. Një javë përpara aktit, ajo refuzoi seksin.

Mëngjesin e krimit, Donika mori një mesazh, ajo nuk lejoi që ai ta lexonte. Një tjetër grindje e ashpër. Pas kësaj, ai mori një sëpatë dhe thikë.

Pasi e vrau, lau duart dhe thirri vëllanë e tij.

“Ai ndjen shumë keqardhje për veprimin e tij,” tha avokati. “Ai është i bindur se gruaja e tij ka luajtur një lojë të gabuar me të. Ajo e shfrytëzoi avantazhet e tij dhe kurrë nuk e donte. “

Rushit K., i cili shkoi në Gjermani në moshën 17-vjeçare, u trajtua si refugjat i luftës.

Kur u deportua mësoi se vuante nga skizofrenia.

Gjykata ka shtyrë seancën e radhës për më 7 qershor.

a.s/dita