Njeriu që mori peng avionin e “Egyptair” duket se është i “dashuruar” pas selfie. Në mediat sociale është publikuar një tjetër foto, ku ai shfaqet me stjuardesën e avionit.
59-vjeçari Seif Eldin Mustafa shihet në krah të stjuardesës. Mirëpo, kjo nuk është e vetmja foto që ai ka bërë gjatë kohës që mbante peng avionin. Më herët është publikuar në internet një tjetër foto, e cila u bë përhap masivisht në mediat sociale. Britaniku Ben Innes ka postuar një fotografi me rrëmbyesin e avioni “Egyptair”. Ai nuk i rezistoi dot tundimit të bënte një foto me personazhin, i cili ishte kthyer në kryelajm të mediave
Kjo foto ka sjellë mjaft reagime dhe kanë qenë të shumtë ata që e kanë dënuar këtë veprim të tij. Të martën, Mustafa ka mbajtur peng 72 pasagjerë dhe anëtarët e ekuipazhit në avionin që po fluturonte nga Aleksandria në Kajro.