Dy shqiptarë nga Kosova dhe një shtetas tjetër janë dënuar nga një gjykatë në Norvegji për shkak se kanë marrë pjesë në Shtetin islamik në Siri. Shqiptari Valon Avdyli, 29-vjeç me origjinë nga Kosova dhe banues në Norvegji është dënuar me 4 vite e 9 muaj burg.
Bashkë me të është dënuar me 4 vite e 6 muaj burg një shtetas nga Somalia.
Vëllai i Valonit, Visar Avdyli, 26-vjeç është dënuar me tetë muaj burg për shkak të shkeljes së ligjeve norvegjeze dhe ofrimin e ndihmës për Shtetin Islamik, pasi i ka dërguar veshje dhe armë.
Sipas shërbimeve sekrete të këtij vendi, më shumë se 70 norvegjezë kanë marrë pjesë apo ende marrin pjesë në luftën në Siri. /Dita/