Kemi kontribuar te gjithe si shoqeri, qofte edhe me heshtjen tone, në mbajtjen ne pushtet te Sali Berishës. Dhe vjen puna që ky njeri tallet me gjithë popullin nga ekranet. A mund te votohet nje individ me sjellje prej rrugaci dhe a mund t’i besohet atij misioni i integrimit te vendit ne bashkesine evropiane? 23 qershori eshte dita e testit te madh per shoqerine shqiptare. A do te jete ajo e afte per t’i dhene fund situates absurde ku jemi futur, ku e keqia shitet si dobi e pergjithshme dhe progres per vendin? Vetë opozita duhet te jete me e zeshme, qofte dhe duke mos e lejuar kryeministrin te brockullis fjale rrugacerore, aq me keq ne adrese te liderit te saj.
Nje fakt i diteve te fundit. Ne mbledhjen e grupit parlamentar te partise qe drejton, Sali Berisha u tha deputeteve qe “te degjojne me interes cdo ankese te qytetareve” dhe u kerkoi qe ata te bashkebisedojne me qytetaret dhe te shenojne ” cdo hall e ankese te tyre”. Tallja eshte e dukshme, pasi kryeministri ka patur 8 vite në dispozicion dhe nuk e ka hedhur veshtrimin nga kasollet ku skamja dhe mjerimi vret përditë trupa dhe shpirtra. Flet per popull te lumtur dhe epoke dixhitale, ky rrugaç. A nuk eshte tallje kjo? A nuk eshte tallur kryeministri me popullin e vet, kur i ka thene, fjala vjen, se me privatizimin e kompanise se shperndarrjes se energjise, shqiptaret do shpetonin nga faturat afrofe dhe se ekonomia shqiptare do te kete kaq e aq perfitime?! Se kompania Cez ishte perzgjedhur nder me te suksesshmet në botë etj, etj? Dhe fundi dihet.
Në Bullgari, psh, ndodh i njejti skenar por populli atje morri kërbacin dhe i tha kryeministrit: Largohu! Kryeministri Borisov e dorezoi qeverine nga presioni i protestave popullore dhe i kerkoi falje popullit per dhunen qe policia kish perdorur ndaj demonstruesve . Tek ne jo. Ketu vriten demonstruesit dhe kryeministri i vendit mashtron popullin me fjale dhe sjellje rrugaçerore, që nuk mund të tolerohen më. Boll! Jemi nje popull qe tallet nga kryeministri i vet. Kemi duruar shumë.
Opinion i nënshkruar: Panajot Zoto