Po kërkonte përsosshmërinë duke bërë foto dhe kur e pa që nuk mund ta arrinte, tentoi të vetëvritet. Donte të bënte për vete vajzat. Dhe shpenzonte 10 orë në ditë për të bërë më shumë se 200 fotografi duke kërkuar që të dukej sa më mirë. Ka 7 muaj që ai nuk ka bërë fotografi dhe ka kuptuar se arritja e përsosshmërisë është e pamundur.
Por, ky obsession që i kishte filluar kur kishte qenë 15 vjeç e kishte bërë që të linte shkollën dhe t’i humbiste rreth 12 kilogramë. Ai kishte qëndruar në shtëpi i mbyllur për rreth 6 muaj dhe kur kishte vërejtur se nuk mund të bëjë një foto të përsosur kishte provuar ta mbyste veten.
Nëna e tij Penny e kishte shpëtuar por atij i ishte dashur që të kërkonte ndihmë profesionale për obsesionin e tij.
Besohet se Danny është i pari britanik i varur nga fotot “selfie” .
Ai tani po trajtohet për varësi nga teknologjia, çrregullim trupor dhe ankth për pamjen fizike.
“I humba shokët, mësimet, shëndetin, dhe gati e humba edhe jetën time”, shtoi ai. Endrra e Dannyt ishte të bëhej model.
Në moshën 16 vjeçare ai kishte lënë shkollën për t’u fokusuar në objektivin e tij.Prindërit e tij kishin tentuar t’ia largonin telefonin por ai ishte bërë agresiv. Danny tani po merret me çështjen e tij duke punuar me Fixers një qendër bamirëse kombëtare që i ndihmon njerëzve t’i zgjidhin problemet e tilla ./Indeksonline/