Vargje të nënshkruara
Kapo Labi
Ditë, thamë se shpëtuam
Nga kusari çmendarak
Po ato që ne dëgjuam
Thamë po flet drogmeni plak.
U duk se fliste i ziu
Që të shpifë e ka zanat
Në podium nuk qe Saliu
Po Beni që bën çorap.
Opozitë në qeveri
Kundra në partinë e vetë
Doli ky Sali i ri
Me çdo kusht kërkon pushtet.
O Benush, ti u provove
Kur shërbeve në kulturë
Brenda javës u harrove
Bëre apo s’bëre punë.
Për karrige je verbuar
Edhe ke besim të plotë
Të bësh shtet të përparuar
Po vezën e Ramës s’e bën dot.
Hidhu më mirë nga Saliu
Lëre Ramën të punojë
Lih siç leh hajdut mavriu
Se të dy keni një gojë.
Ky popull kërkon drejtues
Të punojnë për Shqipërinë
Është i ngopur me servilë
Që mbështesin kusarinë.