Presidenti amerikan Barak Obama, ndodhet në Kubë në një vizitë historike 3 ditore, ku u takua me liderin komunist Raul Kastro në pallatin e revolucionit ne Havanë.
Shtrëngimi i duarve mes dy liderëve konsiderohet si historike, pas dekadash ngrirje në raportet mes dy vendeve.
Pak para takimit shefi I shtëpisë së bardhë deklaroi se ndryshimet mund të ndodhin në Kubë dhe se presidenti Kastro duhet ta kuptojë këtë.
“Është një mundësi historike, impenjimi me popullin kubanez”. Kështu e konsideroi vizitën e tij në Havanë, Obama duke folur para dhjetra personave të stafit të ambasadës amerikane në Kubë.
Ndërkohë policia arrestoi përkohësisht 180 disidentë, deklaroi një grup për mbrojtjen e të drejtave të njeriut.
”Pjesa më e madhe e tyre u arrestuan pas prottestave të djeshme në Havanë”, deklaroi Elizardo Sanchez, lider i Komisionit kuban për Pajtimin Kombëtar dhe të Drejtat e Njeriut.
Duke shtuar se disa prej tyre janë rrahur brutalisht.
Të gjithë të arrestuarit bënin fushatë për lirinë e shprehjes dhe reformat politike në vend./E.T
e shkreta kub po u la ne dor te ketyre desidenteve do ket fundi e shqiperise ne mos me te keqe