Dyshja ikonë e filmave komikë, Olio (Stan Laurel) dhe Stelio (Oliver Hardy) do të rikthehen në ekranin e madh jo si aktorë, por si personazhe.
Filmi biografik kushtuar legjendarëve të komedisë së viteve 1930 – 1950 do të interpretohet nga dyshja Steve Coogan dhe John Reilly, të cilët paraqiten me një ngjashmëri të pabesueshme me personazhet.
Formati kinematografik do vijë si prodhim i BBC Films.
Filmi në fjalë do të sjellë historinë e një miqësie të jashtëzakonshme, gjatë turneut të fundit të tyre në Britaninë e Madhe.
Një vëmendje e veçantë në film mësohet se do t’u jepet edhe dy bashkëshorteve të aktorëve, duke i dhënë kështu rëndësi një sfere jo shumë të njohur të dyshes së paharrueshme të komedisë botërore.
s.a/dita