Opozita gjithçka kundër Reformës në Drejtësi!

Reforma ka ardhur,
në kohë deçizive,
ndaj dhe opozita,
është bërë agresive!

Njëmijë pisllëqe,
tani po sajojnë,
organet e reja,
duan të bllokojnë!

Dalin ditë e natë,
edhe na shurdhojnë,
në kazane plehrash,
kërkojnë e kërkojnë!

Po për ne të gjithë,
duhet drejtësia,
nga tuneli i errët,
të dalë Shqipëria!

Do të japi shpirt,
drejtësi e vjetër,
dhe foshnja e re,
do të lindë patjetër!

Protestat nuk bëhen,
kundër qeverisë,
po janë një aksion,
kundër drejtësisë!

Ata që drejtojnë,
gjithë këto aksione,
nuk i lënë studentët,
të shkojnë në leksione!

Dhe studentët kot,
tani përkëdhelen,
dy muaj mungesa,
s’ka si të mos ngelen!

U zgjidhën tetë pikat,
që i bënë Edvinit,
dhe aty nuk qe,
Ligji i Arsimit!

Meqë qeveria,
fort u angazhua,
si thelë mbi bisht,
kjo kërkesë u shtua!

Sot kemi probleme,
goxha të mëdha,
po krizë politike,
absolutisht s’ka!

Maxhoranca ka,
më shumë deputetë,
tani janë bërë,
gati tetëdhjetë!

Krizat politike,
në Parlament ndodhin,
ndaj Luli me Monën,
njerëzit kot i lodhin!

Cipras me Zajevin,
pse s’sillni në mënd,
të dy a si zgjidhën,
krizat në Kuvënd?!

Gjashtëmbëdhjetë Shkurti,
s’do bëjë kiametin,
askush nuk do lërë,
as do marrë pushtetin!

Protesta më pas,
edhe mund të shtohet,
po Kuvendi kurrë,
nuk anashkalohet!

PD-ë po gënjen,
dhe partitë minore,
se s’do që të bëjë,
as reformë zgjedhore!

Kanë me studentët,
vetëm një qëllim,
që gjer në protestë,
mos shkojnë në mësim!

Të rrinë kot së koti,
dhe të tallaviten,
dhe pastaj protestës,
gjithë t’i bashkëngjiten!

Shumicën e grurit,
studentët kanë korrur,
por janë tani,
duke u përdorur!

Duan veç të drejta,
po detyra s’kanë?!
Dhe engjëj të Zotit,
sigurisht që s’janë!

Janë disa qindra,
që kot përkëdhelen,
dhe mijëra të tjerëve,
të drejtat u shkelen!

A.DUKA