Opozita proteston sot pasdite, policia përforcon masat në terren

Policia e Shtetit duket se do të kalojë në plan më të përforcuar pasditen e sotme, për protestën e 5-të kombëtare të opozitës së bashkuar.

Ndryshe nga më parë, në terren do të jenë 1700 forca policie për mbarëvajtjen e protestës.

Opozita e bashkuar ka thirrur sërish sot shqiptarët në protestë, e cila pritet të mbahet në 18:30 në Bulevardin “Dëshmorët e Kombit”.
facebook bayilik
Përveç forcave të policisë godina e Kryeministrisë, nga ana tjetër është e rrethuar me gardh metalik, një masë e shtuar e policisë për të shuar çdo skenar të mundshëm që mund të kenë protestuesit. Gjithashtu efektivët e policisë do të jenë të pajisur me maska kundragaz.

Në Bulevardin ‘Dëshmorët e Kombit” policia ka instaluar kamera me rezolucion të lartë për të filmuar çdo person të dhunshëm apo që cënon rendin publik.

Turmat do të monitorohen nga godinat e larta, nga forcat RENEA dhe efektivët e gardës. Masa sigurie do të ketë edhe në institucione të tjera të pozicionuara në Bulevardin ‘Dëshmorët e Kombit”.

Në gatishmëri do të qëndrojnë dhe autobotet me ujë për të shpërndarë turmat si edhe shërbimi zjarrfikës dhe ai shëndetësor. Pasdite pritet që të ketë edhe kufizime trafiku në Bulevardin ‘Dëshmorët e Kombit” dhe rrugët lidhëse me të.

o.j/dita