“Ora e lig” udhëton drejt Italisë. Enkel Demi pjesëmarrës në “Sanremon” e librit italian

Në muajin mars të këtij viti gazetari dhe shkrimtari Enkel Demi ose “Tom Kuka” siç njihet me emrin e artit, botoi librin e tij të fundit me titull “Flama”.

Një libër, i cili siç e ka përshkruar autori është shkruar në kohën e karantinës dhe ndoshta për këtë fakt ka edhe këtë titull.

Por një tjetër libër,  e ka çuar shkrimtarin në festivalin Pasaggi të mbajtur në Itali këto ditë.

Faqja e festivalit i cili njihet ndryshe edhe si Sanremo i Librit ka njoftuar në rrjetet sociale se Enkel Demi do të jetë nesër prezent për të folur mbi librin e tij “ Ora e lig”. Libër i cili fitoi çmimin e Bashkimit Europian për letërsinë pak muaj më parë.

“Nesër, e enjte, 24 qershor, mos e humbisni takimin me Tom Kuka, fitues i  çmimit të Letërsisë së Bashkimit Europian, i cili do të jetë mysafir i  “Pasaggi Festival” dhe do të prezantojë  librin′′ Ora e lig′′, dialogun me Ledia Mirakajn dhe Carolina Lacucci.  Shihemi në orën 23:00 të mbrëmjes në ish-kishën San Francesco!’-shkruhet në faqen e festivalit.

Festivali i përvitshëm i librit “Passaggi Festival”, i cili  mbahet në qytetin Fano të Italisë, këtë vit titullohet “Europa/Mesdheu”,  ku i është kushtuar edhe hapësirë e veçantë letërsisë ballkanike.

Festivali i drejtuar nga gazetari i kulturës Giovanni Belfiori është duke u zhvilluar dhe do të zgjas deri në 25 qershor.

Këtë vit, janë prezantuar katër vepra letrare, nga katër autorë ballkanas; 2 serbë dhe 2 shqiptarë, ndër të cilët spikat edhe emri i shkrimtarit Tom Kuka, pas të cilit fshihet gazetari Enkel Demi, me veprën “Ora e Ligë”.

Siç njoftohet edhe nga faqja e festivalit, përgjatë prezantimit të librit, autori pritet të ketë një diskutim për veprën me përgjegjësen për sektorin e kulturës të Ambasadës së Shqipërisë në Itali, Ledia Mirakaj, dhe me kritiken letrare Carolina Lacucci.

“Ora e Ligë” Ose e përkthyer në italisht, “L’ora del Male” është përshkruar nga kritika si një roman me karakter magjik.

Ish-kisha San Francesco është vendi ku është planifikuar të mbahet diskutimi, një monument i spikatur në Qendrën Historike të qytetit.

e.r/dita

karabük escort bayan