Një zonë pranë Rrugës së Barrikadave në Tiranë ka mbetur pa energji elektrike si pasojë e dëmtimit të fidrit nga një firmë që po kryente punime.
OSHEE njoftoi se fidri L6 është dëmtuar nga subjekti privat “Curri” sh.p.k, teksa punonte për llogari të bashkisë për sistemimin e bllokut të pallateve, duke lënë pa energji zonën pranë Rrugës së Barrikadave, Tiranë.
OSHEE mori masat për të riparuar linjën dhe ka nisur punën për rikthimin sa më të shpejtë të energjisë elektrike.