“Argo” ka fituar çmimin Oskar si filmi më i mirë. Ka qenë vetë Zonja e Parë e Amerikës, Mishel Obama, e cila nga shtëpia e Bardhë ka hapur zarfin ku gjendej titulli i filmit fitues, me regji të Ben Aflek. “Falënderoj miqtë e mi në Iran që jetojnë në kushte të vështira dhe gruan time. Falënderoj Akademinë e çmimeve Oskar. Nuk ka rëndësi nëse jeta ndonjëherë të rrëzon, në fund të fundit duhet të çohesh”, ka thënë Aflek i emocionuar. Gjitahstu “Argo” ka rrëmbyer çmimin për montazhin më të mirë dhe skenografinë më të mirë joorigjinale.
Ndërsa Oskari për regjinë më të mirë i shkoi Ang Lee për filmin “Jeta e Pisë”. I njëjti film është cilësuar si filmi me fotografinë më të mirë dhe kolonën më të mirë zanore.
Çmimi Oskar për aktoren më të mirë joprotagoniste i ka shkuar aktores An Hathauej për rolin në filmin “Të mjerët”.
Çmimi për aktorin më të mirë joprotagonist i ka shkuar Daniel Dei Luis për filmin “Linkoln”. Aktorja më e mirë protagoniste është cilësuar Xhenifer Lourence me rolin në filmin “Ana pozitive”. Aktori më i mirë joprotagonist është cilësuar Kristof Valz për rolin në “Django unchained”, ndërsa për të njëjtin film, regjisori Kuentin Tarantino është vlerësuar për skenografinë më të mirë origjinale. “Skyfall” e Adele është shpallur kënga më e mirë origjinale. Ndërsa filmi austriak “Amour” është cilësuar si filmi më i mirë i huaj.