Të gjithë kusarët, pastrohen këtu

(Shkruar para Vendimit për vrasjet qeveritare të 21 Janarit)

Po s’u bë reforma,
vlerë s’kanë më fjalët,
pa faj do të dalin,
të gjithë Xhemalët!

Do vazhdojë pisllëku,
në vatanin tim,
për të gjithë Fullanët,
do ketë dëmshpërblim!

Po s’pati reformë,
kini për të parë,
gjithë Myqeremët,
do dalin të larë!

Të gjithë kusarët,
pastrohen këtu,
sidomos kur janë,
të falangës blu!

Jo që s’i dënon,
e paratë s’ua merr,
po e dëmshpërblen,
kokë më kokë çdo derr!

E kanë ndarë mendjen,
gjithë gjykatësit tanë,
pa u bërë reforma,
të bëjnë hatanë!

Ndonjë lek “të vogël”,
bëjnë për shtëpi,
dhe opsioni i vetëm,
është pafajësi!

Të gjithë kusarët,
paq kanë për t’ia hedhur,
nëse do të falin,
pak nga gjë e vjedhur!

Gjersa një reformë,
këtu të mos ketë,
gjykatat do jenë,
në tjetër planet!

E kemi të humbur,
me ata çdo bast,
të marrin-ç’të marrin,
se s’do kenë më rast!

Kërdi mesjetare,
do vijojë këtu,
dhe gjithë gjykatat,
janë të linjës blu!

Vendime skandali,
ende do të japin,
se për ta nuk ka,
ligje që t’i kapin!

Të bardhë mund ta nxjerrin,
çdo qymyr të zi,
se kanë Nishanin,
super garanci!

Qenëria blu,
s’do e s’do reformë,
ndaj do të pengojnë,
me çdo mjet e formë!

Gjithnjë do shpëtohen,
peshqit e mëdhenj,
e burgjet do jenë,
plot me fukarenj!

Dhe mund të na thonë,
sa pa bërë reformën:
“Plot kemi dënuar,
e kemi bërë normën!”

Po t’i qepej Rama,
reformës vërtet,
do ta kishte bërë,
këtu e dy vjet!

Shumë shpejt mund të zgjidhej,
Me Referendum,
dhe padrejtësia,
s’do kish këtë bum!

Nëse do të bëhej,
dy-tri vjet më parë,
nëpër këmbë do kishim,
shumë më pak kusarë!

Shumë kusarë më pak,
që dreqi i marrtë,
dhe niveli i jetës,
do qe më i lartë!