Është hera dytë rresht që banorët e Tiranës kanë alarmuar policinë për ngjarje të rënda kur në fakt ato janë skena të një filmi që po xhirohet.
Një makinë që udhëtonte me shpejtësi pranë tregut të “Avni Rustemit” u përplas me disa kuti dhe u përmbys, ishte skena e një filmi që po xhirohej sot.
Ngjarjen e ditës së sotme e ka fiksuar një prej dëshmitarëve me aparatin celular, ndërsa videon e ka postuar në You Tube. Pak ditë më parë disa persona telefonuan policinë pasi panë pranë piramidës që persona të armatosur rrëmbyen një person.