Policia ka parandaluar një krim në një familje të Lushnjes. Në lagjen “Karbunarë e Madhe” policia u njoftua për një sherr në familjen Mezini.
Babai 74 vjeç, Dervish Mezini dhunoi fizikisht e psikologjikisht si dhe kërcënoi me thikë djalin e tij 45-vjeçar A.Mezini.
Forcat e policisë që shkuan menjëherë në vendngjarje bënë të mundur që konflikti mos përshkallëzonte.
Uniformat blu arrestuan 74-vjeçarin Mezini.
Gjatë kontrollit në banesë, policia i gjeti Dervish Mezinit edhe një pistoletë të cilën e mbante pa leje.
Ai akuzohet për dhunë në familje dhe armëmbajtje pa leje.
