Parandalohet tragjedia, ish-sulmuesi i Laçit dhe i Burrelit pëson atak kardiak gjatë ndeshjes

Një ngjarje e rëndë ka prekur futbollin, ku në ndeshjen mes Vllaznisë së Pozheranit me Flamurtarin në Ligën e Parë kosovare, e cila përfundoi me fitoren e vendasve me rezultatin 3-2, sulmuesi i Vllaznisë, Alban Rexhepi ka pësuar një atak kardiak gjatë pjesës së dytë.

Ka qenë vendimtare ndërhyrja e stafit mjekësor të ekipit të tij për ta mbajtur në jetë sulmuesin.

Aktualisht gjendja shëndetësore e 26-vjeçarit ndodhet e stabilizuar, pasi është duke marrë mjekim në spital.

I pranishëm në ambjentet e spitalit është parë dhe Presidenti i Federatës së Futbollit të Kosovës, Agim Ademi, i cili i ka qëndruar pranë futbollistit në këto momente të vështira.

Alban Rexhepi është i njohur edhe në kampionatin shqiptar, pasi ka mbajtur veshur edhe fanellat e Laçit dhe Burrelit.

j.l./ dita