Arabia Saudite dënoi dje me vdekje një lider shiit që ishte ngritur në protesta antiqeveritare atje.
Kleriku Sheikh Nimr al-Nimr u ekzekutua në bazë të ligjit kundër terrorizmit, ndërsa ishte në mesin e 47 personave të arrestuar për këtë çështje. Irani reagoi për rastin, duke deklaruar se këtë vend do ta presë ndëshkimi hyjnor.
Lideri super Ayatollah Ali Khamenei, ka deklaruar se sheiku i ekzekutuar është një martir dhe se ai ka reaguar në mënyrë paqësore.
Ekzekutimi shkaktoi protesta në Teheran, ndërsa ambasadës saudite atje ju vu zjarri. Policia shkoi më vonë duke shpërndarë turmën.
Por lideri iranian Ayatollah Khamenei thotë se kleriku shiit është ekzekutuar për shkak të kundërshtimit ndaj sundimtarëve sunitë të Arabisë Saudite,
“Ky dijetar fetar as nuk ka ftuar njerëzit në lëvizje të armatosur, as nuk ka qenë i përfshirë në komplote të fshehta”, ka shkruar Khamenei në Twitter.
“Akti i vetëm i Sheik Nimr ka qenë se ai ka qenë një kritik i hapur”, shtoi Khamenei, duke thënë se “gjaku i derdhur padrejtësisht i martirit Sheik Nimr do të ndikojë që hakmarrja hyjnore të vij shumë shpejt tek politikanët sauditë”. /Dita/
