Partia Demokratike për t’u ngritur ka vetëm një alternativë: Rithemelimin!

Lul humbe nga kjo marrëzia jote, por marrëzia më e marrë është ajo që ka ende njerëz që të besojnë se një ditë do të fitosh … ndoshta kur të kesh Zahon përballë …

Kjo parti ka vetëm një alternativë: Rithemelimin! Jo nga forcat e brendshme, ato nuk e sjellin ndryshimin, por nga forca të reja të pa implikuara me historinë famëkeqe të kësaj partie dhe të kenë guximin të shkëputin lidhjet gjenetike e shpirtërore me Sali-UI dhe berishizmin, si konditë e nevojshme dhe e mjaftueshme për ta kthyer atë nga Parti Destruktive (PD) , në Parti Demokratike (PD)

Jorgo Mandili

Të gjithë besojmë se njohim çdo skutë të jetës, të gjithë besojmë se njohim në perfeksion dashurinë, gëzimin, dhimbjen, trishtimin, besojmë se njohim njeriun. Por, realiteti na mëson se jeta ka shumë sekrete, shumë enigma që nuk i zgjidhim dot. Kjo ndodh me Lul Bashën dhe “sagën” e humbjeve të tij në krye të një opozite diabolike dhe destruktive pa shpirt, pa zemër, pa frymë, që shfaqet në skenën politike shqiptare thjesht si një ekzistencë farse dhe e falsifikuar, e manipuluar dhe e uzurpuar nga një njeri i vetëm – Sali- Ui ,i cili pas dorëheqjes së vet në 2013,hodhi në fushëbetejë një marionetë si Luli, për ta përdorë si “idiot të dobishëm” për interesat e tij dhe të familjes së tij

Nuk ka atentat më të madh ndaj elektoratit të vet, nuk ka thikë më të mprehtë të ngulur pas shpine, se sa të zhgënjesh për të pestën herë fansat e tu që natë e ditë marrin pjesë në apokalipsi tënd mendor për tu bërë kryeministër Nuk ka dëshirë më të madhe për të qenë i verbër e pa timpanë në këto momente, me qëllim që të mos ndihesh i plagosur nga injoranca kur shikon se beson ende në fitore duke artikuluar masakrën elektorale për justifikimin e humbjes. Dhe, nuk ka dhimbje më të madhe që dashur apo pa dashur, të mos i japim të drejtë  Bujarit e Imamit kur pretendojnë që fajin e ka Luli dhe ata vetë dalin të larë sikur nuk janë edhe ata kontributorë realë në destruktivitetin e kësaj partie që nuk ka qenë asnjëherë demokratike … ndjen neveritje kur shikon pikërisht këta të fundit , që kërkojnë ta reformojmë këtë parti destruktive .

Me këmbëngulje budallai dhe besim injoranti në fitoren e padiskutueshme të mbështetur jo në alternativën e vet por në konsumimin tetëvjeçar të mazhorancës, shefi i opozitës, shpresonte në një rezultat të thellë fitoreje se “shqiptarët” mezi prisnin ndryshimin … se ndryshimi është aspiratë e çdo shqiptari, dhe se ndryshimin do ta sjellim ne… Nuk ka shans ta sjellë edi rama  me 8 vjet në pushtet … etj etj broçkulla të tilla të deklaruara kudo që shkonte ky “trumcak” i PD – së . Por, fatkeqësisht, Lul humbe nga kjo marrëzia jote, por marrëzia më e marrë është ajo që ka ende njerëz që të besojnë se një ditë do të fitosh … ndoshta kur të kesh Zahon përballë …

Dje Lul Basha mblodhi Kryesinë dhe Këshillin Kombëtar, dhe shpalli zgjedhjet e reja në PD, brenda më pak se një muaji, për ta bërë fakt të kryer rizgjdhjen e tij. I njëjti skenar si me zgjedhjet e mëparshme me Eduard Selamin -një shfaqje e shëmtuar, duke i kthyer zgjedhjet në një formalitet. Kishte rastin më të mirë për të bërë brenda Partisë zgjedhje të lira, të drejta, transparente dhe një garë reale brenda PD. Por si gjithmonë bën të kundërtën.

“Ai humbi rastin të përdorte zgjedhjet brenda PD, për të bërë kontrast me akuzat që bën për zgjedhjet e 25 prillit. Sot ai provoi që nuk do lejojë zgjedhje në PD, nuk do lejojë garë dhe mbi të gjitha nuk do të lejojë të ketë rivalë realë.” – thekson me të drejtë një gazetar.Ky është skenari më fatal për këtë forcë politike që do ta lerë përjetësisht në humbëtirën e vet pa të ardhme. ..

Por edhe sikur të lejonte garë, transparencë  dhe standard ,prapëseprapë me ato forca të brendshme që qarkullojnë brenda SHQUPIT, përgjegjëse për historinë 30 vjeçare të PD, nuk mund ta reformojnë partinë .Janë kaq të konsumuar politikisht nga humbjet e pësuara , kaq të diskredituar moralisht nga kusaria e vrasjet dhe kaq të idoktrinuar ideologjikisht me “berishizmin” saqë  do të ishte mrekullia e nëntë e botës që nga një ” intellectual inbreeding” të prodhoheshin pasardhës pa çrregullime gjenetike .Çfarë do të kuptojmë me këtë term? Shqip ,përkthehet si ” ndërzim apo kryqëzim intelektual” .

Në biologji “inbreeding” është riprodhimi i pasardhësve nga çiftëzimi ose shumimi i individëve ose organizmave që janë të lidhur ngushtë gjenetikisht. Për analogji, termi përdoret në riprodhimin njerëzor, duke iu referuar çrregullimeve gjenetike dhe pasojave të tjera që mund të lindin nga shprehja e tipareve të dëmshme ose recesive që rezultojnë nga marrëdhëniet seksuale incestuse dhe bashkëshortësia me të njëjtin gjak. Disa studime ,në të cilat janë ekzaminuar efektet e këtij “ndërzimi” zbuluan se pasardhësit e martesave të kushërinjve të parë kishin rezultate më të ulëta të inteligjencës sesa pasardhësit e prindërve pa lidhje gjaku. Ky është kuptimi në sferën njerëzore, kurse në sferën intelektuale “Intellectual inbreeding” – term që përdoret për një komunitet të kufizuar brenda mureve të një institucioni, organizate, universiteti ,partie etj ku qarkullojnë ide të kufizuara brenda këtij grupi dhe individët nuk mund të mendojnë jashtë këtij grupi për të sjellë ide të reja. Kjo ndodh për faktin se komunitete apo grupe të tilla formohen apo shumohen nga “kryqëzimi” i individëve me të njëjtin “gjen”. Psh ka një praktikë kur në disa  Universitete  siç ndodh shpesh në vendin tonë, punësohen të diplomuarit e tij për të qenë profesorë në këto universitete dmth pasardhësit e dalë prej të të njëjtit “gjen”. Si rregull, këta “pasaardhës” konsiderohen të dëmshëm për akademinë, besohet se zvogëlojnë mundësinë e ideve të reja që mund të vijnë nga burime të tjera, njëlloj si “kryqëzimet” gjenetike zvogëlojnë mundësinë e gjeneve të reja që hyjnë në popullatë. Mënyra për t’a mposhtur këtë ” intellectual inbreeding ” është që t’i shkatërrosh”muret e ngurta kufizuese të tyre përmes prurjeve njerëzore nga jashtë me ide e projekte të reja pra përmes hapjes së ” dyerve ” të këtyre komuniteteve të kufizuara .

***

E njëjta gjë ndodh edhe me një parti apo institucion tjetër që kërkon të ndryshojë performancën e vet me pasardhës të “ngjizur” nga brenda “gjakut”. Kjo do të thotë se është jo efektive nga brenda një partie me individë gjenetikisht të paaftë për t’u faktorizuar si personalitete, të lindë një frymë e re, të lindë një performancë e re me një ideologji të re dhe alternativë të re ,si e vetmja mundësi për të qenë parti konstruktive, racionale , dhe me ide të reja e besueshme dhe frymëzuese për elektoratin e vet ,pra një “makineri moderne” partiake që të frenojë “revanshin” varvat të një mazhorance si ajo e Edi Ramës apo vetë Edi Ramën.

Parë edhe në këtë vështrim të përgjithshëm përgjegjësia politike, publike e sociale e reformimit të kësaj partie për tu kthyer në një aset demokratik është imperative … parë në këtë kontekst me të drejtë njerëzit që kanë aftësinë për të menduar e arsyetuar brenda PD, shtrojnë pyetjen: kush është ky “lultrumcaku” që na privon të drejtën e votës së lirë brenda partisë ? Madje këtë strategji të mbyllur zgjedhjesh po e përsërit për të tretën duke mos i hapur dyert për forcat dhe idetë e reja nga jashtë …

Të nisur nga përgjegjësia publike, qytetare e kombëtare për të mos lejuar instalimin e një autokracie në Shqipëri, kjo parti ka vetëm një alternativë – Rithemelimin! Jo nga forcat e brendshme, ato nuk e sjellin ndryshimin, por nga forca të reja të paimplikuara me historinë famëkeqe të kësaj partie, që të kenë guximin të shkëputin lidhjet gjenetike e shpirtërore me Sali- UI dhe “berishizmin” , si konditë e nevojshme dhe e mjaftueshme për ta kthyer atë nga Parti Destruktive (PD), në Parti Demokratike (PD) Lul! Nëse mëson nga humbjet, nuk ke humbur vërtetë !

1- Ti humbe nga lakmia jote për kryeministër por  ky është i vetmi ves në univers që njoh që lind kotësi, mendjemadhësi, krenari, ambicie, pandershmëri, shtirje , hipokrizi – madje shkatërroni shumicën e virtyteve tona të spekuluara, të gjitha këto shpërndahen në këtë element të përhapur dhe malinj, dëshirën për të zotëruar diçka me çdo mjet e me çdo kusht .Është tjetër gjë”të dëshirosh diçka”dhe tjetër gjë”të jesh i etur për diçka”. E thënë ndryshe, lakmia nuk determinohet nga ajo që do, por nga këmbëngulja me të cilën kërkon ta arrish. Nuk është e gabuar,as e pamoralshme të synosh fitoren,të vish në pushtet. Bëhet e pamoralshme, atëherë kur kjo dëshirë merr ngjyrën e zezë të lakmisë. Fitorja e vërtetë është fryt i zellit dhe i mençurisë , gjetjes së urave të komunikimit ,partneritetit të duhur, këshilltarëve të urtë, ekspertëve profesionistë, komunikimit luajal, alternativës së besueshme dhe mbi të gjitha moralit të pastër, pa ngarkesa në ndërgjegje dhe mëkate në shpirt. “Lakmo o i mjerë atë ç’ka të ka dhënë natyra, vetëm kështu nuk zhgënjehesh”!( Solomoni) .Hiq dorë nga lakmia dhe nga partia që të shpëtosh!

2-Ti humbe se nuk u shkëpute nga Sali Berisha, si njeriu më destruktiv që ka njohur shteti shqiptar gjatë 100 vjetëve, i një destruktiviteti që buron jo vetëm nga qenia e vet, por edhe të atij destruktiviteti, që buron nga urrejtja dhe agresiviteti i asaj turme njerëzish që i shkojnë pas liderit të tyre të indoktrinuar prej tij . Ti erdhe në krye të partisë së tij jo përmes zgjedhjeve demokratike ,por nga dëshira e tij për të të përdorur si “idiot të dobishëm” për interesat e tij. Hija e tij të ka shoqëruar në çdo sjellje, qëndrim dhe veprim dhe nuk ke guximin intelektual,qytetar e patriotik për t’u shkëputur prej tij prandaj jep dorëheqjen të shpëtosh !

3- Ti humbe se nuk munde dot të shkëputesha nga “berishizmi” dhe reformoje PD për ta kthyer atë nga një parti destruktive , nekrofile, fashiste në një parti demokratike .Një parti vlerësohet, jo nga parullat e deklaratat e saj, por nga sjelljet, qëndrimet që mban ndaj ngjarjeve të caktuara e veprimeve që kryen vetë ajo, nga forcat përbërëse të kësaj partie që përfaqësojnë shtresa të caktuara shoqërore, nga ideologjia dhe alternativa që ajo shpalos para elektoratit dhe kur vjen në pushtet çfarë produkti prodhon në shoqëri-konstruktiv apo destruktiv. Produkti i kësaj partie qysh nga themelimi i saj shkatërrues, mohues me prirje regresive duke krijuar një sistem antivlerash përmes një drejtimi autokrat, antidemokratik, anarkist, autoritarist e vrasës, për të realizuar synimet e veta me dhunë e terror psikologjik.

I vetëshpallur demokrat “- berishizmi” nuk ka asgjë të përbashkët me demokracinë! Është ideologjia dhe praktika destruktive ,shkatërruese e nekrofile , më e neveritshme e më famëkeqe në politikën shqiptare ku urrejtja ndaj jetëve njerëzore dhe destruktiviteti mendor i këtij “përbindëshi”, e kthyen pushtetin e tij për shqiptarët në një sistem vrasës të lirisë, shpresës, besimit, dinjitetit njerëzor dhe të dëshirës për të jetuar në këtë vend duke iu “ngrirë buzëqeshjen” shqiptarëve.

Që në themelimin e saj si parti e shpresës dhe e lirisë, që aq fort e artikulojnë sot disa “demokratikas”, u shfaq si një parti destruktive ku vetë kreu i saj nuk doli në mënyrë demokratike në krye të kësaj partie ,por me marifete e manipulime që i dinë të gjithë. Po kështu vazhdoi deri sa protagonisti absolut i kësaj partie e mbylli veprimtarinë e tij të gjatë ( 1992- 2013 të cilën e mbylli me dorëheqjen pas humbjes së zgjedhjeve të 2013.)

Edhe pas dorëheqjes së tij, në këtë parti asnjëherë nuk janë zhvilluar zgjedhje demokratike. Dihet si përfunduan zgjedhjet për kryetar midis teje dhe S. Olldashit apo më vonë midis teje dhe E. Selamit. Nuk po zgjatem por theksoj se ai “masakrim”  i shfaqur në zgjedhjet e brendshme partiake e dëmtoi rëndë demokracinë e brendshme dhe gjithë veprimtarinë e mëpastajme të kësaj partie. Asnjë ndryshim nga paraardhësi i cili gjithmonë mbeti ndërgjegjja, jo vetëm e jotja, e çdo drejtuesi në bazë, por edhe e turmave fanatike e paramilitare që i kanë dhënë frymën destruktive dhe nekrofile, e cila mbizotëron ende edhe sot – strategjia destruktive dhe e dhunshme nuk ka ndryshuar ,sepse protagonisti i saj është po i njëjti “përbindësh”, që prodhon veç shëmti.

Që në kushte të  krizave social – ekonomike e politike, kur vala e protestave të dhunshme e të vazhdueshme me kauza të stisur , inspiron turmat vulgare përmes thirrjeve histerike për dhunë duke marrë  përmasa tepër të rrezikshme për çdo vend. Partinë Demokratike, Saliu e ktheu në një bandë politike terroriste dhe “berishizmin” në një ideologji sunduese. Ai kurrë nuk u përshtat dot me demokracinë sepse ai nuk erdhi në krye të proceseve demokratike si rezultat i udhëheqjes së një lëvizjeje popullore disidente në regjimin komunist, si Les Valesa në Poloni apo Haveli në Çeki etj. Përkundrazi, ai deri në ditën që i ra “Bingo” ,ishte mbrojtësi më i zjarrtë i sistemit të kaluar ,duke mbetur “djali më i keq, që nuk toleronte kritikat, burgoste gazetarët, rrihte opozitarët dhe ruante një kontroll të fortë. SHBA bëri një sy qorr në ato ditë për shkak se ai ishte njeriu i tyre”.

Duke qenë edhe influent në politikë “berishizmi”, mbetet kërcënim real për shoqërinë, sepse destruktiviteti është një shprehje e programit instiktiv të kësaj ideologjie. Pasioni për të shkatërruar në emër të shkatërrimit është tipari themelor i kësaj ideologjie. Faktet janë kokëfortë, fakte që konfirmojnë “produktin” social, që ka prodhuar politika destruktive e saj. Janë disa ngjarje kruciale të njohura prej të gjithëve që konfirmojnë tezën e destruktivitetit dhe nekrofilisë së kësaj ideologjie , përmes tmerrit të përhapur tek njerëzit që ata të silleshin siç donte Sali-UI dhe Partia e tij destruktive. Janë ngjarje që tregojnë prirjen terroriste të tij dhe partisë së tij, ku fillesën e ka më 2 prill 1991. Si “Raishtagu” gjerman dhe e përfundoi më 21 janar 2011.

4- Ti humbe se nuk e orientove partinë drejt një ideologjie të djathtë siç u shfaq qysh në themelimin e saj. Ideologjia e kësaj partie ishte dhe mbetet eklektike duke lundruar në detin e politikës pa busull e a giroskop dmth pa orientim e qëndrueshmëri drejtimi drejt objektivit .Nëse PD do të ishte e djathtë, me një shumicë absolute parlamentare përse nuk e abrogoi ligjin 7501 të tokave për t’ua kthyer tokën pronarëve të ligjshëm por la në fuqi ligjin katovician? Jo vetëm u hapi rrugën e pasurimit të fortëve e ish komunistëve antikomunistë të ngjashëm me ta , por u a la shqiptarëve ferr nëpër këmbë që të grinden, përplasen e të vriten siç ndodh ende edhe sot ” vetgjyqësia”,ku janë vrarë mbi 8000 veta për konflikte pronësie. Ky ligj ngelet për Shqipërinë “thembra e Akilit”, për destabilizim dhe moszhvillim të saj… Nëse me të vërtetë kishte aspirata demokratike të djathta ,Sali-UI dhe partia e tij, me një parlament ku kishte shumicën absolute të votave mund të kishte miratuar çdo ligj dhe reformë ,që do t’i shërbente demokratizimit të vendit, ndërtimit të shtetit të së drejtës, institucioneve të qëndrueshme të shtetit të pakakapshme nga politika, arsim të ri demokratik publik, si aset kombëtar që garanton të ardhmen e një gjenerate të re, elitë të re politike dhe intelektuale etj për t’i hapur rrugën një gjenerate të re.Aspirata e kësaj ” të djathte” nuk ishte demokracia por anarkia . Ti Lul nuk ke as ide e as ideologji, as vizion e as alternativë të besueshme ,por as aftësi menaxhere e ekip drejtues .Me Bujarë,Imamë, Spahinjë, Palokër, Dumdume, mërmërmakër, gjekmakër e rosakësh të tjerë të ngujuar në ” kotecin” e SHQUPIT, nuk mund të reformohet kjo parti se ” ndërgjegje e tyre është berishizmi” ,që nuk mund të shkëputen dot, prandaj dhe nuk kanë asnjë shans për të ndryshuar substancialisht këtë parti për ta kthyer në një parti të re konstruktive dhe me ideologji të djathtë europiane .

Demokratë të vërtetë – E vetmja rrugë për shpëtimin tuaj është – RITHEMELIMI !

Rithemelimi duhet të bëhet nga forca të reja,djem e vajza,të rinj e të reja ,të paimplikuar e të palidhur me historinë famëkeqe të berishizmit destruktiv e nekrofil . Rinovimi dhe besueshmëria e një partie vjen nga integriteti moral dhe profesional, nga vizioni kurajoz i përfaqësuesve të saj më të mirë , nga programi strategjik i shoqëruar me rrugët dhe burimet financiare gjë që do t’a bëjë të besueshme opozitën para popullit për përgjegjshmëri dhe seriozitet në misionin e saj.Dhe tani në prag të negociatave të shfrytëzojë shansin për t’u sjellë si opozitë e re , si opozitë europiane. Të dialogojë dhe të bashkëpunojë me qeverinë, që së bashku t’a udhëhiqni Shqipërinë drejt Evropës, ëndërr të cilën kanë lançuar qysh në fillimet e shtetit shqiptar Rilindasit tanë të mëdhenj ..

Tashmë, që Europa i ka ndezur Shqipërisë dritën jeshile për hapjen e negociatave, ju opozita e re sëbashku me mazhorancën që keni përgjegjësinë publike, për ta udhëhequr këtë popull drejt një shoqërie demokratike, duhet t’i “vini gishtin kokës”, për të mos e humbur edhe këtë shans historik, si herët e tjera për shkak të kokëfortësisë, kryeneçësisë, xhelozisë apo për interesa të ngushta personale, vese këto të një klase politike arrogante , mediokre dhe orientale .

Nëse doni të faktorizoheni e të bëheni kontributor real në progresin dhe zhvillimin e Shqipërisë, nëse vërtet doni që në Shqipëri të mos instalohet autokracia ,duhet të rithemeloheni si parti demokratike me ideologji të qartë, alternativë të besueshme ,me vizion ,ekip ,program e qëndrime e veprime konstruktive për zhvillim e progres . Në rast të kundërt do të mbani përgjegjësi historike si ballistët që nuk morën pjesë në luftë dhe lejuan komunistët të instaloni një “diktaturë të ndritur”!

—–

©Copyright Gazeta DITA

Ky artikull është ekskluziv i Gazetës DITA, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar DITA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016