Laçi dhe Partizani e nisën me një barazim 1-1 kampionatin, duke ndarë nga një pikë në përballjen e tyre, që pa të kuqtë dominues në pjesën e parë e Laçin më mirë në të dytën. Vendosën golat e Racic dhe Dokut në pjesën e dytë që deri diku i dhanë një fund logjik këtij 90-minutëshi.
Partizani që këtë vit kërkon të jetë mes pretendenteve për titullin kampion e nisi shumë mirë ndeshjen duke e mbyllur Laçin në gjysmëfushën e tij. Të kuqtë kryeqytetas të mbështetur dhe nga një numër i madh tifozësh të ardhur nga Tirana u ndjenë si në shtëpi aq sa në që në minutën e parë ju afruan golit me Vatnikajn që goditi mbi traversë. Ekipi i Duros vazhdoi dominimin dhe në minutën e 10-ën patën një mundësi dhe me një goditje dënimit të fituar nga Vila pas një faulli të Sefgjinit. Ndërsa në të 20-ën, Vila bëri gjithçka mirë në driblim dhe në goditje por u ndal nga shtylla. Laçi e kishte të vështirë të ishte i rrezikshëm dhe të vetmet raste në pjesën e parë i krijoi James. Golin që nuk shënoi në pjesën e parë, Partizani e shënoi në fillimin e së dytës me Raçiç që i harruar i vetëm në zonë e depozitoi topin në fundin e rrjetës.
Disavantazhi zgjoi Laçin që provoi sërish me James, por goditja e tij ishte shumë e lehtë për duart e portierit Hoxha. Tifozëve vendas nuk ju desh të prisnin shumë për të festuar, pasi në të 55-ën, James hyri mirë drejt zonës duke pasuar për Elton Dokun që mposhtin Hoxhën.
Partizani që deri në ato momente kishte luajtur më mirë u përgjigj me një përpjekje nga jashtë zone të kapitenit Nexhipi por Vujadinoviç u tregua i saktë. Rastin më të mirë e pati megjithatë James në të 62-ën por Hoxha këtë herë e kishte gati përgjigjen. Në minutat e mbetura të dyja ekipet u përpoqën shumë të arrin te fitorja por nuk mundën ta marrin dot atë duke ndarë nga një pikë që gjithsesi ka vlera për të dyja formacionet.
Pse nuk thuani Laci ngec ndaj partizanit.