Boris Johnson po përballet me thirrje të mëtejshme për të dhënë dorëheqjen pas pretendimeve se ai mori pjesë në një festë para Krishtlindjeve 2020. Sue Gray, një nënpunëse civile britanike po heton në lidhje me çështjen do të përfundojë javën e ardhshme.
Sekretari britanik i Arsimit, Nadhim Zahawi ka mbrojtur kryeministrin pasi tha se Boris Johnson nuk e dinte që një ngjarje e Downing Street ishte një festë.
Nadhim Zahawi i tha Kay Burley të Sky News: “Nuk është e vërtetë që kryeministri e dinte për këtë. Ai në mënyrë implicite mendoi se kjo ishte një ngjarje pune.”
Sekretari i Arsimit konfirmoi se Johnson ishte marrë në pyetje nga zonja Grey, duke thënë se ai “i ishte nënshtruar atij hetimi”, i cili pritet të përfundojë javën e ardhshme.
Ai shtoi se kryeministri dëshiron që ai të mund të “kthejë orën mbrapa” dhe, pasi ka humbur një të afërm nga COVID, z. Zahawi tha se ai ndan dhe mbështet zemërimin e publikut.
“Mund t’ju them absolutisht se kryeministri e ndjen dhimbjen”, tha ai.
“Gjithçka që unë do të thoja është që ne duhet të lejojmë që hetimi të zhvillohet. Pse?
Sepse kjo është gjëja e drejtë që duhet bërë – ju nuk mund të dënoni një njeri pa një hetim.
Një foto u rishfaq gjatë fundjavës, ku lideri laburist po pinte një birrë me kolegët në një zyrë elektorale në pranverën e vitit 2021, kur përzierja në ambiente të mbyllura nuk lejohej si shkak i shpërthimit të pandemisë.
a.m/dita