Një pasagjer i Ryanair, i lodhur duke pritur për të dalë nga një avion në Spanjë, u fut në telashe pasi hapi derën e emergjencës dhe u ul duke pritur në krahun e avionit.
Incidenti i pazakontë ndodhi në një fluturim nga Stansted në Malaga, ditën e Vitit të Ri. Dayli Mail foli me dy pasagjerë që ndodheshin në bord, me njërin prej të cilëve që thoshte se situata kish qenë surreale me 50 vjeçarin që kishte hapur derën e emergjencave, duke thënë: “Unë do të dal nga krahu”.
Një tjetër pasagjer kish thënë se polaku vuante nga astma dhe kishte vështirësi në frymëmarrje. Nuk është hera e parë kjo që një pasagjer i Ryanair bën një akt të tillë në Spanjë. Në 2016, një pasagjer në Madrid kërceu nga një urë e pa lidhur me terminalin dhe vrapoi përmes pistës drejt një avioni të Ryanair në përpjekje për ta arritur atë.