Z.Thano. Intervista e Moikom Zeqos tek gazeta e mirënjohur Dita e datës 22 maj 2016 është ajo e një intelektuali erudit, shkrimtar, poet, analist i thellë, e një njeriu qytetar thellësisht të shqetësuar për fatet e vendit. Në këtë intervistë shoh, gjithashtu, njeriun që mes luleve dallon gjembaçët me një lule mashtruese në syth, kameleonët të maskuar si lule mes një lëndine me lule, shoh edhe njeriun. Në këtë intervistë, pashë Moikomin njerin e thjeshtë të popullit, por jo semplicist, politikanin që as e trash e as e hollon zërin, që as i ngre e as i ul tonet intelektuale dhe publicistike vetëm e vetëm për të respektuar njerëzit, popullin që është i një cope dhe pa arna e bojëra.
Paskam njohur mirë Moikomin poet, studiues, por tani zbuloj dhe Moikomin politikan-poet. Kështu qenkan, siç duket, talentet e idealistët e mëdhenj e të kulturuar: ballorë, jo shpinorë. Gëtja thotë se: S’mund të jetë gjeni ai që njoh unë… E pra Moikomi është talent i vërtetë edhe pse e njoh mirë dhe tërë jetën. Me esetë dhe publicistikën politike të guximshme, Moikomi po i ngre stekën, jo vetëm gazetës prestigjioze, por edhe gjithë shtypit shqiptar.
Përqafime
Faslli Haliti