Sot ka qenë dita kur një pjesë e mirë e demokratëve kanë shkruar mendimet e tyre me disa rreshta në rrjetin social Facebook. Jo më shumë për festën e bektashinjve, Sulltan Nevruzin, por për 22 Marsin që identifikohet si data kur Partia Demokratike ka fituar për herë të parë zgjedhjet pas rënies së sistemit komunist.
Astrit Patozi shkruan në profilin e tij në FB se për t’u rikthyer edhe një herë, si shpëtimi dhe shpresa e vetme për Shqipërinë, e djathta duhet të flakë të gjitha veset dhe paudhësitë, të cilat sipas tij, po bëjnë që 22 marsi të jetë vetëm dita e Sulltan Nevruzit.
Sipas ish-nënkryetarit të PD-së dhe kritikut të ashpër të Lulzim Bashës, fajet e rënda dhe dështimi elektoral, po e bëjnë gjithnjë e më të vështirë për të djathtën shqiptare t’i gëzohet jo vetëm 26-vjetorit të Shqipërisë demokratike, por edhe lavdisë së dikurshme.
Postimi i plotë i Patozit:
Sot e mora veten më të mirë, hëngra hashure, dhe e konsiderova një ditë të zakonshme feste, megjithëse nuk jam bektashi.
Për të gjithë nostalgjikët dhe demokratët e tjerë, që u shkëlqejnë sytë sa herë vjen kjo ditë, falenderova Zotin që nuk doli ndonjë “trim” i Republikës së Re, që të kishte kërkuar ndryshimin e saj, ashtu siç bënë me 20 shkurtin. Fjala vjen, 22 marsin mund ta ndërronin me 18 majin, edhe pse festën e Sulltan Nevruzit nuk do ta lëviznin dot, që t’i shkonte nga mbrapa fantazisë së tyre.
Kohët kanë ndryshuar, aq për keq sa, jo vetëm nuk duket ndonjë shpresë në horizont për të ardhmen, por për Partinë Demokratike dhe të djathtën shqiptare po bëhet përherë e më e vështirë t’i gëzohet madje edhe lavdisë së të shkuarës.
Dhe mendova se të gjithë ata që e konsiderojnë 22 marsin, jo thjesht si ditën e shënuar për besimin bektashian, nuk mjafton vetëm që ta kujtojnë atë me krenari dhe patetizëm.
Nëse duam vërtet të tregojmë respekt për historinë tonë, duhet të ndahemi me guxim e me vendosmëri nga të gjitha përgjegjësitë dhe fajet e rënda, që na çuan në këtë katandisje të paimagjinueshme, jo vetëm elektorale.
Por mbi të gjitha, nëse duam vërtetë të rikthehemi sërish edhe një herë, si shpëtimi dhe shpresa e vetme për Shqipërinë, duhet të flakim tutje të gjitha veset dhe paudhësitë, jo vetëm politike, që na kanë çuar me vite larg nga 22 marsi i vitit 1992. e.r/dita
Politikisht 22 Marsi 1992 ishte dita e koleres ku hordhite e qoftelargut zbriten nga bjeshket e nemura per te pushtuar Tiranen dhe Shqiperine me zhulin, kusarine, injorancen dhe barbarine. Kjo eshte e verteta o Patozarak Kavoje.
Shpalleni dhe Dita e Sulltan Saliut qe mbolli hajduterine
U a mblodhi Lulezimi juve sa jeni bere si alabaker; as u shkonte nder mendje qe tu bente Lulezimi ishka-bishka si ju beri. Tani hani hashuren e mos u ndjeni me se kot e keni. Ishit trima kur kishit pushtetin e policeve, tani as grate s’u degjojne me ne qoftse i keni dhe ato