PD-ja po humb gjithçka

Teatri politik që po na servir PD-ja pas humbjes homerike të 23 qershorit është bërë i padurueshëm për qytetarin. Nuk e di nëse ju kujtohet  Filip Rosler (Philipp Rösler) zv/kancelar dhe lider i Partisë Liberale në Gjermani. Ai u bë i njohur për dy gjëra E para suksesi në karrierë, E dyta deklarata e tij ku u zgjodh kryetar i FDP-së e cila përberi risi në sjelljen politike, pra ai tha se do të qëndrojë në politikë vetëm 7 vjet. Sipas tij, për një politikan mjaftojnë 6-7 vjet për dhënë për vendin e tij vizionin dhe modelin e vet politik, natyrshëm a do të ndodhe kjo tek Basha? Absulutisht jo…. Sot PD-ja ka votuar për kryetar të saj një njeri mësuar me partinë – shtet dhe liderin e përjetshëm, imunitet ndaj kritikave dhe “të fortin” kundër rivalëve e kritikëve të tij, Sot PD-ja lejoi, mbësheti dhe krijoj nje lider arrogant e fuqiplotë, të pakontrollueshëm dhe të palodhur në metodat që përdor për të marrë ose për të mbajtur pushtet me çdo kusht, Duke krijuar parti–lider, PD-ja ka krijuar një sistem piramidal mendimi e veprimi, ku nuk kanë vlerë parimet, aspiratat, votat apo sjelljet morale, ku vendin e tyre e ka zënë arroganca personale, marrëveshjet e pamoralshme, kapja me çdo kusht pas pushtetit dhe zvogëlimi në maksimum i hapësirës për demokracinë.

Për fat të keq të PD-së edhe “gardhi” i krijuar tashmw nga njerëzit e Bashes, ordinerë dhe mediokër është bërë tepër i fuqishëm dhe shërben si “shtresë izolimi”, që ndan PD-në nga elitat intelektuale. Me sa duket PD-ja do vijojw nw sjelljen qw i solli humbjen:  funksionim sipas një mekanizmi që quhet demokratik, pavarësisht se në thelb është konspirativ. Tamam si ne tregimet e Tex Marrs, ku Iluminati pra syri që vëzhgon çdo gjë do jetë Berisha.