Prokuroria e Durresit ka kërkuar një javë më parë ekstradimin e shtetasit amerikan Carl Stephan Kaminski, i cili akuzohet për abuzim seksual me tre djem të mitur nga fshati Rrashbull.
70 vjeçari kishte mbërritur në Durrës si turist dhe i kishte vënë vetes emrin David Goldeinshtein dhe mbante pasaportë belge të falsifikuar. Sipas hetuesve të çështjes, Kaminski është arrestuar në Gjermani për falsifikim dokumentesh pasi është larguar nga Shqipëria dhe pas kryerjes së dënimit në këtë vend u është dorëzuar autoriteteve amerikane, të cilët pedofilin e kishin shpallur në kërim ndërkombëtar.
“Në muajin gusht të këtij viti, së bashku me letër-porositë, prokurorisë i është dërguar edhe një CD me mijëra foto me fëmijë, që Kaminskit i janë gjetur në banesë he në kompjurterin e tij personal nga autoritetet amerikane. Në fotot që i janë sekuestruar pedofilit konstatohen vepra të turpshme seksuale me fëmijë të vegjël, kryesisht djem të moshës 5 deri në 12 vjeç. CD-ja është verifikuar nga autoritetet shqiptare dhe midis fotove janë edhe ato të tre djemve të vegjël të moshës 8 deri në 12 vjeç, të cil;at I përkasin kohës së qëndrimit të tij në Rrashbull. Bëhet fjalë për periudhën 2003-2004”-pohon në prokurori çështjes Vladimir Mara.
Sipas tij dyshohet se Kaminski ka kryer abuzime edhe me fëmijë të tjerë, por për tri raste ka prova të pakundërshtueshme nga familjet dhe dëshmitë e prindërve, por edhe të fëmijëve të abuzuar në atë kohë.
“Provë e pakundërshtueshme është e njërit prej viktimave, i cili është në moshë madhore tashmë, i paralizuar dhe traumë të fortë fizike dhe psikologjike. Kjo për shkak të abuzimit seksual nga 70 vjeçari. Djali i mitur në atë kohë ka pësuar traumë dhe ka përfunduar në skizofreni. Por janë edhe dëshmitë e dy djemve të tjerë, kushërinj të parë me djalin, të cilët kanë dëshmuar për abuzimet që ka kryer 70 vjeçari.Prokuroria ka marrë në pyetje familjarët e tre djemve, të cilët sot janë në moshë madhore, por edhe vetë ata, Familjarët e viktimave kanë deklaruar se në atë kohë Kaminski u mësonte tre djemve kushërinj anglisht dhe kompjuter.Por një vit pas qëndrimit të shtetasit amerikan në njërën prej dy familjeve, njëri prej fëmijëve kishte shfaqur probleme të rënda fizike dhe mendore, probleme të cilat I vuan edhe pas 8 vitesh”- pohon Mara.
Sipas prokurorit është kërkuar urdhër-arresti ndërkombëtar dhe në shkurt të 2013-tës pritet që Kaminski të ekstardohet në Shqipëri, pas përfundimit të burgut në SHBA.