Zëvendëskryeministri, Niko Peleshi do të jetë sot në Athinë. Peleshi pritet të takohet me zëvendëskryeministrin dhe ministrin e Jashtëm, Evangelos Venizelos.
“Zëvendëskryeministri dhe Ministri i Jashtëm Evangelos Venizelos do të takohet nesër, e premte, 15 nëntor, ora 10:30, në Ministrinë e Jashtme, me Zëvendëskryeministrin e Shqipërisë, Niko Peleshi”, thuhet në njoftimin e Ministrisë së Jashtme greke. Në njoftim nuk bëhen me dije temat që do të diskutohen mes zyrtarëve të lartë të dy qeverive.